નડિયાદ શહેરમાં ડભાણ રોડ પર આવેલ કલેક્ટર કચેરીમાં રવિવારની મોડી રાત્રે આગનો બનાવ બન્યો છે, જેમાં કચેરીના બીજા માળે આવેલ પ્રાંત અધિકારીની ઓફીસની બાજુમાં આવેલ રૂમમાં આગ લાગતા કિંમતી કાગળો અને ફાઈલો આગની લપેટમાં આવી જતા ખાખ થયા છે. જોકે, ઘટનાની જાણ નડિયાદ ફાયરબ્રિગેડને થતાં ફાયર વિભાગની ટીમ સહિત કચેરીના અધિકારીઓ દોડી આવ્યા હતા અને ફાયર વિભાગની ટીમે ભારે જહેમત બાદ સતત પાણીનો મારો ચલાવી આગ પર કાબુ લેવાયો હતો.
આ ઘટનાની જાણ ખેડા જિલ્લા નાયબ કલેકટર અને નડિયાદ પ્રાંત અધિકારી, નડિયાદ નગરપાલીકાના ચીફ ઓફીસર સહિત કલેક્ટર કચેરીના અધિકારીઓ રાત્રે જ કલેક્ટર ઓફીસ ખાતે દોડી આવ્યા હતા. આ ઉપરાંત મોટી જાનહાનિ થતા ટળે એટલે નડિયાદ એમ.જી.વી.સી.એલ ની ટીમ પણ આવી પહોંચી હતી.
