ઉત્તરાખંડના ચમોલી જિલ્લાના થરાલી વિસ્તારમાં શુક્રવારે મધ્યરાત્રિ પછી થયેલી વાદળ ફાટવાની ઘટનાએ ભારે વિનાશ સર્જ્યો હતો. આ અચાનક કુદરતી આપત્તિથી થરાલી શહેર અને આસપાસના વિસ્તારોમાં અફરાતફરી મચી ગઈ હતી. ભારે વરસાદ સાથે આવેલ કાટમાળ અને પાણીના પ્રચંડ પ્રવાહે રસ્તાઓ, ઘરો અને બજારોને તોડી નાંખ્યા હતા. થરાલી બજાર, કોટદીપ અને તહસીલ પરિસર પર ખાસ કરીને વધુ પ્રભાવ જોવા મળ્યો હતો. તહસીલ પરિસરમાં કાટમાળ સીધો ઘૂસી જતા કચેરીના દસ્તાવેજો, સાધનો અને પાર્ક કરેલા વાહનો કાટમાળમાં દટાઈ ગયા. SDMનું નિવાસસ્થાન તેમજ આસપાસના રહેણાંક મકાનોમાં પાણી અને કાટમાળ પ્રવેશી જતા લોકો રાતોરાત ઘરો ખાલી કરીને સુરક્ષિત સ્થળે પહોંચ્યા હતા. શહેરના મુખ્ય રસ્તાઓ કાટમાળથી એટલા ભરાઈ ગયા કે તે તળાવ જેવા દેખાતા હતા અને વાહનવ્યવહાર સંપૂર્ણપણે ઠપ્પ થઈ ગયો હતો.
#WATCH | उत्तराखंड: चमोली जिले के थराली में बादल फटने के कारण मलबा घरों, बाजार और एसडीएम के आवास में घुस गया।
जिला मजिस्ट्रेट और राहत टीमें मौके के लिए रवाना हो गई हैं।
दो लोग लापता होने की खबर है: उत्तराखंड आपदा प्रबंधन सचिव विनोद कुमार सुमन#Uttarakhand #Cloudburst… pic.twitter.com/Lz1RUnbGXc
— One India News (@oneindianewscom) August 23, 2025
નજીકના સાગવારા ગામમાં એક યુવતી કાટમાળ હેઠળ દટાઈ જતા તેનું મોત થયું, જ્યારે અન્ય કેટલાક લોકોને ઇજાઓ પહોંચી છે. આ ઘટનાને કારણે સમગ્ર વિસ્તારમાં ગભરાટનો માહોલ સર્જાયો હતો. સ્થાનિક લોકો ઘરોમાંથી બહાર આવી ગયા અને રાતભર અસુરક્ષાની લાગણીમાં રહ્યા. પોલીસ, વહીવટીતંત્ર અને SDRFની ટીમોએ તાત્કાલિક રાહત અને બચાવ કાર્ય શરૂ કર્યું. SDRFની ગૌચર સ્થિત ટીમે ઘટનાસ્થળે પહોંચી લોકોને સુરક્ષિત સ્થળે ખસેડ્યા, કાટમાળમાં ફસાયેલા લોકોને બહાર કાઢવાની કામગીરી હાથ ધરી અને ગુમ થયેલા વ્યક્તિને શોધવાના પ્રયત્નો શરૂ કર્યા.
🚨 थराली क्षेत्र से आपदा अपडेट 🚨
बीती रात्रि थाना थराली क्षेत्र में हुई अतिवृष्टि से जनजीवन प्रभावित हुआ। स्थिति की गंभीरता को देखते हुए थाना थराली पुलिस ने रात्रि में ही मुस्तैदी दिखाते हुए स्थानीय लोगो को सतर्क किया तथा घरों से निकालकर सुरक्षित स्थानों पर पहुँचाया। pic.twitter.com/5MaiBgTc5D
— Chamoli Police Uttarakhand (@chamolipolice) August 23, 2025
ચેપ્ડોન બજારમાં ભારે કાટમાળ ઘૂસી જતાં ઘણી દુકાનોને ભારે નુકસાન થયું છે. અનેક વેપારીઓએ પોતાના માલસામાનને બચાવવા પ્રયાસ કર્યો પરંતુ પાણી અને કાટમાળના પ્રચંડ પ્રવાહ સામે સફળતા મળી ન હતી. આર્થિક નુકસાનનું આંકલન લાખોમાં થઈ રહ્યું છે. એક વ્યક્તિ હજુ સુધી ગુમ હોવાનું જાણવા મળ્યું છે, જેના કારણે સ્થાનિકોમાં ચિંતા અને ભય વધુ વધી રહ્યો છે.
મિંગડેરા નજીક થરાલી-ગ્વાલડમ માર્ગ કાટમાળ અને વરસાદી પાણીથી સંપૂર્ણપણે બંધ થઈ ગયો છે. તે જ રીતે થરાલી-સાગવારા માર્ગ પણ અવરોધિત થઈ જવાથી સમગ્ર વિસ્તારમાં અવરજવર પર માઠી અસર પડી છે. બોર્ડર રોડ્સ ઓર્ગેનાઈઝેશન (BRO)ની ટીમો રસ્તાઓ ખોલવાના સતત પ્રયાસો કરી રહી છે જેથી ટ્રાફિક પુનઃ શરૂ થઈ શકે અને રાહત સામગ્રી અસરગ્રસ્ત વિસ્તારોમાં ઝડપથી પહોંચાડી શકાય.
જિલ્લા મેજિસ્ટ્રેટ ડૉ. સંદીપ તિવારીએ જણાવ્યું છે કે પોલીસ અને વહીવટીતંત્રની ટીમો સતત સ્થળ પર હાજર છે અને દરેક શક્ય પ્રયાસો કરવામાં આવી રહ્યા છે. સુરક્ષાને ધ્યાનમાં રાખીને થરાલી તાલુકાની તમામ શાળાઓ અને આંગણવાડી કેન્દ્રો 23 ઓગસ્ટે બંધ રાખવાનો આદેશ અપાયો છે.
આ ઘટના માત્ર ચમોલી જિલ્લામાં જ નહીં પરંતુ સમગ્ર ઉત્તરાખંડમાં ચિંતા અને દુઃખનો વિષય બની ગઈ છે. રાજ્યમાં આ ચોમાસા દરમિયાન વાદળ ફાટવાની ઘટનાઓ વારંવાર જોવા મળી રહી છે. થોડા દિવસો પહેલા, 5 ઓગસ્ટે ઉત્તરકાશીના ધારાલી અને હર્ષીલ વિસ્તારોમાં વાદળ ફાટવાથી ભારે વિનાશ થયો હતો. અચાનક આવેલા પૂરે ઘણા ઘરો, હોટલો અને માળખાકીય સુવિધાઓ પાણીમાં ધોઈ નાખી હતી. આ દુર્ઘટનામાં ઓછામાં ઓછા ચાર લોકોનાં મોત થયા હતા, જ્યારે ડઝનબંધ લોકો ગુમ થઈ ગયા હતા. સુખી અને બાગોરી જેવા ગામોમાં ઘરો અને કૃષિ મિલકતોને વિશાળ નુકસાન થયું હતું.
રુદ્રપ્રયાગ જિલ્લાના કેદારઘાટી વિસ્તારમાં જુલાઈના અંતમાં થયેલી વાદળ ફાટવાની ઘટનાએ પણ ભારે તબાહી મચાવી હતી. અહીં અનેક ઘરો અને વાહનો કાટમાળ નીચે દટાઈ ગયા હતા અને નદીઓ પૂરના પાણીથી ભરાઈ જતાં સ્થાનિકોને મોટા જોખમનો સામનો કરવો પડ્યો હતો.
આવી કુદરતી આપત્તિઓ ઉત્તરાખંડના પહાડી વિસ્તારો માટે ગંભીર પડકાર બની ગઈ છે. સતત વરસાદ, નબળી માળખાકીય સુવિધાઓ અને પહાડોની ભૂગર્ભીય નબળાઈને કારણે આવા બનાવોની સંભાવના વધતી જાય છે. વહીવટીતંત્ર અને સ્થાનિક લોકો વચ્ચે સંકલનથી જ રાહત અને બચાવ કાર્ય અસરકારક બની શકે છે. હાલ, ચમોલીના થરાલી વિસ્તાર સહિત સમગ્ર પ્રદેશમાં લોકો સાવચેત છે અને રાહત-પુનર્વસન કામગીરી પર રાજ્યની નજર ટકી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
