મધ્યપ્રદેશના ધાર સ્થિત ઐતિહાસિક ‘ભોજશાલા’ હિંદુઓનું જ પવિત્ર શ્રી વાગ્દેવી (શ્રી સરસ્વતી) મંદિર છે, તેના પર ઇંદોર ઉચ્ચ ન્યાયાલયે કાયદા અને પુરાવાઓની મહોર લગાવી દીધી છે. આ ચુકાદો માત્ર એક વાસ્તુનો વિજય નથી, પરંતુ સદીઓથી દબાવી દેવામાં આવેલા ઐતિહાસિક સત્યનો અને વિદેશી ઇસ્લામિક આક્રમણકારો દ્વારા અતિક્રમણ કરવામાં આવેલા મંદિરોની મુક્તિ માટેની લડતનો ભવ્ય વિજય છે. ભોજશાલાની મુક્તિની લડત આજે સફળ થઈ છે, પરંતુ આ સંઘર્ષમાં મોટું યોગદાન ભોજશાલા મુક્તિ આંદોલનના પ્રમુખ શ્રી. નવલકિશોર શર્મા અને હિંદુ જનજાગૃતિ સમિતિનું હતું. સમિતિ આ ઐતિહાસિક નિર્ણયનું સહર્ષ સ્વાગત કરે છે અને ‘…અબ કાશી-મથુરા બાકી હૈ !’ ની સંકલ્પ ઘોષણા કરી રહી છે.
હિંદુ જનજાગૃતિ સમિતિનું આંદોલન અને હિંદુ અધિવેશનનું પરિણામ!
ધારની ભોજશાલાની મુક્તિ માટે હિંદુ જનજાગૃતિ સમિતિએ માત્ર રસ્તાઓ પર આંદોલન જ નથી કર્યું, પરંતુ રાષ્ટ્રીય સ્તરે વ્યાપક જનજાગૃતિ પણ ફેલાવી છે. ગોવા ખાતે યોજાતા ‘વૈશ્વિક હિંદુ રાષ્ટ્ર મહોત્સવ’ (અખિલ ભારતીય હિંદુ રાષ્ટ્ર અધિવેશન) ના રાષ્ટ્રીય મંચ પરથી પ્રત્યેક વર્ષે આ સંદર્ભમાં કાનૂની અને વ્યૂહાત્મક ઠરાવો પસાર કરીને લડતની દિશા નક્કી કરવામાં આવતી હતી. સમગ્ર દેશના હિંદુત્વવાદી સંગઠનોએ મધ્યપ્રદેશ સરકાર અને કેંદ્ર સરકાર સમક્ષ આ અંગે સતત ન્યાયની માંગણી કરી હતી. આજે ન્યાયાલય દ્વારા આપવામાં આવેલા આ ઐતિહાસિક નિર્ણયને કારણે કરોડો હિંદુઓની ભાવનાઓ અને સમિતિના લાંબા સમયના આંદોલનને ન્યાય મળ્યો છે.
આક્રમણકારોનું અતિક્રમણ હટાવીને કાશી-મથુરાની લડત નિરંતર ચાલુ રહેશે !
આ પ્રસંગે સમિતિના રાષ્ટ્રીય પ્રવક્તા શ્રી. રમેશ શિંદેએ સ્પષ્ટ કર્યું કે, ‘‘ભારતમાં હિંદુઓના માત્ર એક-બે ધાર્મિક સ્થળો પર જ આક્રમણ નથી થયું. વિદેશી આક્રમણકારો અને ધાર્મિક કટ્ટરપંથીઓએ હિંદુઓની સહિષ્ણુતાનો ફાયદો ઉઠાવીને હજારો મંદિરો પર ગેરકાયદેસર રીતે અતિક્રમણ કર્યું અને તેના પર પોતાનો ખોટો અધિકાર જમાવ્યો. અયોધ્યા અને ધાર (ભોજશાલા)ના ચુકાદાઓએ સિદ્ધ કરી દીધું છે કે અસત્યનો બુરખો લાંબો સમય ટકી શકતો નથી. હવે સમય આવી ગયો છે કે કાશીની જ્ઞાનવાપીથી લઈને મથુરાની શ્રીકૃષ્ણ જન્મભૂમિ સુધીના તમામ આક્રમિત ક્ષેત્રો મુક્ત થવા જોઈએ.’’
આપનો નમ્ર
શ્રી. રમેશ શિંદે
રાષ્ટ્રીય પ્રવક્તા, હિંદુ જનજાગૃતિ સમિતિ
(સંપર્ક: 9987966666)
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
