વડા પ્રધાન નરેન્દ્ર મોદીની યુનાઇટેડ આરબ અમીરાત (UAE) મુલાકાત દરમિયાન ભારત અને UAE વચ્ચે અનેક વ્યૂહાત્મક અને આર્થિક કરારો થયા છે. આ ટૂંકી પરંતુ મહત્વપૂર્ણ મુલાકાત દરમિયાન ડિફેન્સ સહયોગ, ઊર્જા સુરક્ષા, મેરિટાઈમ ઈન્ફ્રાસ્ટ્રક્ચર અને રોકાણ જેવા ક્ષેત્રોમાં નોંધપાત્ર પ્રગતિ જોવા મળી છે.
અબુધાબીમાં UAEના રાષ્ટ્રપતિ શેખ મહમ્મદ બિન જાયેદ અલ નાહયાન સાથે પીએમ મોદીની હાજરીમાં આ તમામ સમજૂતીઓ પર હસ્તાક્ષર કરવામાં આવ્યા હતા. આ મુલાકાત પીએમ મોદીની પાંચ દેશોની રાજદ્વારી યાત્રાની પ્રથમ કડી છે.
ડિફેન્સ અને સુરક્ષા સહયોગમાં મોટો પગલું
આ મુલાકાતનું સૌથી મહત્વપૂર્ણ પાસું ભારત અને UAE વચ્ચે ‘સ્ટ્રેટેજિક ડિફેન્સ પાર્ટનરશિપ’ માટેનો નવો ફ્રેમવર્ક એગ્રીમેન્ટ રહ્યો. પશ્ચિમ એશિયામાં વધતી અસ્થિરતા વચ્ચે આ કરાર બંને દેશોના સૈન્ય અને સુરક્ષા સહયોગને વધુ મજબૂત બનાવશે.
આ ફ્રેમવર્ક હેઠળ ડિફેન્સ ટેક્નોલોજી, સંયુક્ત તાલીમ અને ઇન્ટેલિજન્સ શેરિંગમાં સહકાર વધારવાનો પ્રયાસ કરવામાં આવશે.
ઊર્જા સુરક્ષા માટે મહત્વપૂર્ણ સમજૂતીઓ
ભારત અને UAE વચ્ચે ઊર્જા ક્ષેત્રમાં પણ મહત્વપૂર્ણ કરારો થયા છે. બંને દેશોએ સ્ટ્રેટેજિક પેટ્રોલિયમ રિઝર્વ્સ અંગે MoU પર હસ્તાક્ષર કર્યા છે, જે ભારતની લાંબા ગાળાની ઊર્જા સુરક્ષા માટે મહત્વપૂર્ણ છે.
આ ઉપરાંત LPG સપ્લાય માટે પણ અલગ કરાર કરવામાં આવ્યો છે, જેનાથી ઊર્જા સપ્લાય ડાયવર્સિફિકેશન અને સ્થિરતા વધશે.
PM Narendra Modi’s short trip to UAE brings big returns for India. Here are the major agreements and investment decisions announced today:
Agreement on Framework for the Strategic Defence Partnership between India and UAE
MoU on Strategic Petroleum Reserves
Agreement on…
— ANI (@ANI) May 15, 2026
મેરિટાઈમ ઈન્ફ્રાસ્ટ્રક્ચર : ગુજરાતને મળશે ફાયદો
આ મુલાકાત દરમિયાન ગુજરાતના વાડીનારમાં શિપ રિપેર ક્લસ્ટર વિકસાવવા માટે MoU કરવામાં આવ્યો છે. આ પ્રોજેક્ટથી મેરિટાઈમ ઈન્ફ્રાસ્ટ્રક્ચર, લોજિસ્ટિક્સ અને ઔદ્યોગિક વિકાસને નવી ગતિ મળશે.
વિશેષ કરીને પશ્ચિમ કિનારાના બંદરો માટે આ પહેલ મહત્વપૂર્ણ માનવામાં આવી રહી છે.
5 અબજ ડૉલરનું રોકાણ : આર્થિક સંબંધોને બળ
UAEએ ભારતના ઈન્ફ્રાસ્ટ્રક્ચર અને નાણાકીય ક્ષેત્રમાં કુલ 5 અબજ ડૉલરનું રોકાણ કરવાની જાહેરાત કરી છે. જેમાં RBL બેન્ક અને સમ્માન કેપિટલમાં પણ રોકાણ સામેલ છે.
આને ભારતની આર્થિક ક્ષમતામાં વધતા વૈશ્વિક વિશ્વાસ તરીકે જોવામાં આવી રહ્યું છે.
વૈશ્વિક મુદ્દાઓ પર PM મોદીની વાત
શેખ મહમ્મદ બિન જાયેદ સાથેની બેઠક દરમિયાન પીએમ મોદીએ પશ્ચિમ એશિયામાં ચાલી રહેલા તણાવ અંગે ચિંતા વ્યક્ત કરી હતી. તેમણે સંવાદ અને રાજદ્વારીને સમસ્યાઓનો એકમાત્ર ઉકેલ ગણાવ્યો.
તેમણે સ્ટ્રેટ ઑફ હોર્મુઝ ખુલ્લો અને સુરક્ષિત રહેવાની જરૂરિયાત પર પણ ભાર મૂક્યો, જે વૈશ્વિક વેપાર માટે મહત્વપૂર્ણ છે.
ભારતીય સમુદાય માટે આભાર
પીએમ મોદીએ UAEમાં વસતા ભારતીય સમુદાયને મળતા સન્માન બદલ UAE સરકારનો આભાર વ્યક્ત કર્યો હતો. તેમણે કહ્યું કે અહીં ભારતીયોને પરિવારના સભ્યોની જેમ માન આપવામાં આવે છે, જે બંને દેશોના મજબૂત સંબંધોનું પ્રતિબિંબ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
