જમ્મુ-કાશ્મીરના ઉધમપુર જિલ્લામાં શુક્રવારે મોડી રાતથી સુરક્ષાદળો અને આતંકીઓ વચ્ચે ભારે અથડામણ શરૂ થઈ હતી, જે હજુ ચાલુ છે. માહિતી અનુસાર, ઉધમપુર જિલ્લાના દૂર્ગમ બસંતગઢ વિસ્તારના પહાડી વિસ્તારોમાં જૈશ-એ-મોહમ્મદના ત્રણથી ચાર આતંકીઓ છુપાયેલા હોવાની ચોક્કસ ગુપ્તચર માહિતી મળતા સેનાએ વિશાળ સર્ચ ઓપરેશન હાથ ધર્યું હતું. આ અભિયાનમાં ભારતીય સૈન્યના વ્હાઈટ નાઈટ કોરના જવાન, એસઓજી (સ્પેશિયલ ઓપરેશન ગ્રુપ) અને જમ્મુ-કાશ્મીર પોલીસે સંયુક્ત કાર્યવાહી શરૂ કરી હતી. જ્યારે સુરક્ષાદળો આતંકીઓની નજીક પહોંચ્યા ત્યારે સામસામે ભારે ગોળીબાર શરૂ થયો, જેનાથી આખો વિસ્તાર દહેશતમાં આવી ગયો.
અધિકારીઓના જણાવ્યા અનુસાર, અથડામણ દરમિયાન એક સૈન્ય જવાન ગંભીર રીતે ઘાયલ થયો હતો. તેને તાત્કાલિક હોસ્પિટલમાં ખસેડવામાં આવ્યો, પરંતુ સારવાર દરમિયાન તેણે શહીદી વરણી લીધી. સેનાએ જણાવ્યું કે આ અભિયાન ખૂબ જ પડકારજનક છે કારણ કે પહાડી અને જંગલયુક્ત વિસ્તારમાં આતંકીઓ છુપાયેલા છે અને તેઓ સતત ગોળીબાર કરી રહ્યા છે. આતંકીઓને ઘેરી લેવા માટે સેનાએ વ્યૂહાત્મક રીતે અનેક દળોને તહેનાત કર્યા છે જેથી તેઓ ભાગી ન શકે.
#WATCH | Udhampur, J&K: Security tightened in Udhampur district, especially on Jammu-Srinagar National Highway, after an encounter broke out between security forces and terrorists in Seoj Dhar area of Udhampur District, at Doda-Udhampur Border last evening.
(Visuals deferred by… pic.twitter.com/YP2uB8UtMd
— ANI (@ANI) September 20, 2025
જમ્મુ-કાશ્મીરના ડીજીએ આ મામલે એક્સ (પૂર્વે ટ્વિટર) પર પોસ્ટ કરી હતી જેમાં તેમણે જણાવ્યું કે કિશ્તવાડ અને ઉધમપુરની સરહદી પહાડી વિસ્તારોમાં સુરક્ષાદળો આતંકીઓને ઘેરીને ભારે ઓપરેશન ચલાવી રહ્યા છે. ડીજીએ સ્પષ્ટ કર્યું કે આ અભિયાન લાંબું ચાલી શકે છે કારણ કે આતંકીઓ પૂરતી તૈયારી સાથે છુપાયેલા છે અને તેમનું ધ્યેય સુરક્ષાદળો પર મોટું નુકસાન પહોંચાડવાનો છે.
સેનાએ જણાવ્યું છે કે આ ઓપરેશનમાં આતંકીઓના પૂર્ણ સમૂળે નાશ સુધી અભિયાન ચાલુ રહેશે. સાથે જ, સ્થાનિક લોકોને અપીલ કરવામાં આવી છે કે તેઓ શંકાસ્પદ ચળવળ અંગે તરત જ સુરક્ષાદળોને માહિતી આપે અને ઓપરેશન વિસ્તારમાંથી દૂર રહે. સેનાએ ખાતરી આપી છે કે જમ્મુ-કાશ્મીરના આ વિસ્તારમાં આતંકવાદીઓને કોઈપણ સ્થિતિમાં ભાગવા દેવામાં નહીં આવે અને શાંતિ અને સુરક્ષાને જાળવવા માટે તમામ જરૂરી પગલાં લેવામાં આવી રહ્યા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
