ચરોતર પંથકમાં અને ખાસ કરીને આણંદ જિલ્લામાં આજે સવારે વાદળો ઘેરાઈ ગયા અને વરસાદના છાંટા પણ પડયા હતા. આમ શિયાળાની ઋતુમાં અચાનક વાતાવરણમાં પલટો આવતાં ખેડૂતો ચિંતાતુર થયા છે. હાલમાં જ્યારે રવિપાકની સીઝન ચાલી રહી છે ત્યારે આમ વાતાવરણ બદલાતા ખેતીને નુકશાન થાય તેવી ભિતી છે. ઉપરાંત શિયાળાની ઠંડી ઋતુમાં આમ વરસાદી માવઠું આવ્યા લોકોની તબિયત પર પણ માઠી અસર થાય તેવો પણ એક ચિંતાનો વિષય છે.
