બિહારના નવાદા જિલ્લામાં આવેલી રિસ્લીગંજ પોલીસ સ્ટેશન વિસ્તારના એક ગામમાં માનવતાને કલંકિત કરતી હ્રદયદ્રાવક ઘટના સામે આવી છે. અહીં એક 13 વર્ષની સગીરાને તેના જ પડોશના ચાર યુવકોએ બળજબરીથી દારૂ પીવડાવી દુષ્કર્મનો ભોગ બનાવી. ઘટના એટલી નરાધમાઈથી ભરેલી હતી કે પીડિતાની ચીસો ગામમાં ખળભળાટ મચાવી ગઈ. પીડિતા તેની સહેલીઓ સાથે નદી કિનારે લાકડા વીણવા ગઈ હતી, ત્યારે તેને તરસ લાગી અને તેણે ઓળખીતાને પાણી માગ્યું. પરંતુ, મદદ કરવા બદલે તેને દેશી દારૂની બોટલ આપી. પીડિતાએ પીવાનું નકારી કાઢતાં આરોપીઓએ જબરદસ્તી તેના મોઢામાં બોટલ નાખીને દારૂ પીવડાવ્યો. ત્યારબાદ ચારેય યુવકોએ ક્રમબદ્ધ રીતે તેની સાથે દુષ્કર્મ આચર્યું.
પીડિતા સતત ચીસો પાડતી રહી અને દયા માંગતી રહી, પરંતુ નરાધમોએ તેની એક ન સાંભળી. અંતે પીડિતા બેભાન થઈ ગઈ અને ચારેય આરોપીઓ સ્થળ પરથી ભાગી ગયા. પીડિતાની સહેલીઓ તરત જ તેના પરિવારને જાણ કરી. પીડિતાની માતા મુકુલ દેવીના જણાવ્યા મુજબ, ઘટનામાં સામેલ યુવકો તેમના જ પડોશના હતા, જેનાથી પરિવાર વધુ આઘાતમાં છે.
પીડિતાના પરિવારજનો તરત જ પોલીસ સ્ટેશન પહોંચ્યા અને ફરિયાદ નોંધાવી. પોલીસે તાત્કાલિક પગલાં લઈને POCSO (Protection of Children from Sexual Offences) એક્ટ તેમજ અન્ય ગંભીર કલમો હેઠળ કેસ નોંધ્યો. પોલીસે દરોડા પાડી એક આરોપી રેણુ માંઝી (ઉંમર 20 વર્ષ, પિતા શ્યામલાલ માંઝી, રહેવાસી ચંડીપુર ગામ)ને ઝડપી પાડ્યો છે. બાકીના ત્રણ આરોપીઓ હજુ ફરાર છે અને તેમની ધરપકડ માટે પોલીસે સઘન શોધખોળ શરૂ કરી છે.
આ ઘટનાએ સમગ્ર વિસ્તારને હચમચાવી દીધો છે. ગામમાં ભય અને ગુસ્સાનું વાતાવરણ ફેલાયું છે. લોકો આરોપીઓને કડક સજા આપવા માટે માંગણી કરી રહ્યા છે. પોલીસ અધિકારીઓએ ખાતરી આપી છે કે બાકી ત્રણેય આરોપીઓને જલ્દી જ પકડી લેવામાં આવશે અને કાયદા મુજબ કડકથી કડક કાર્યવાહી કરવામાં આવશે. આ ઘટના ફરી એકવાર બાળસુરક્ષા અંગે ગંભીર પ્રશ્નો ઊભા કરે છે અને સમાજમાં વધતા દુષ્કૃત્યો સામે કડક પગલાં લેવાની જરૂરિયાત દર્શાવે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
