જેની આતુરતાથી રાહ જોવાઇ રહી હતી તેવા ગુજરાત શિક્ષણ બોર્ડના ધોરણ-10ના પરિણામની તારીખ જાહેર કરવામાં આવી છે. ગુજરાત બોર્ડનું ધોરણ-10નું પરિણામ 25 મેના રોજ જાહેર થશે. તેમજ ધોરણ 10નું પરિણામ બોર્ડની વેબસાઇટ પર જોઇ શકાશે. વહેલી સવારે 8 કલાકે આ પરિણામ વેબસાઇટ www.gseb.org પર જોઇ શકાશે.
બોર્ડ પરિણામો સાથે કામચલાઉ GSEB SSC માર્કશીટ 2023 બહાર પાડશે. વિદ્યાર્થીઓ ઉચ્ચ અભ્યાસ માટે અરજી કરવાનું શરૂ કરવા માટે આ માર્કશીટનો ઉપયોગ કરી શકે છે. મૂળ GSEB 10 મી માર્કગીટ વિદ્યાર્થીઓને તેમની સંબંધિત શાળાઓ દ્વારા જારી કરવામાં આવશે. અધિકૃત વેબસાઈટે વિદ્યાર્થીઓને ઓરિજિનલ માર્કશીટ સાથે સત્તાવાર વેબસાઈટ પર ઉપલબ્ધ તેમના પરિણામોને ક્રોસ-ચેક કરવાની પણ સલાહ આપી છે.
વિદ્યાર્થીઓ એસએમએસ દ્વારા ગુજરાત બોર્ડનું 10મું પરિણામ 2023 પણ જોઈ શકાશે. વ્યક્તિએ SSC<space>રોલ નંબર લખીને 56263 પર મોકલવાનો રહેશે. ગુજરાત બોર્ડના 10મા પરિણામ 2023ના નવીનતમ અપડેટ્સ માટે વ્યક્તિએ GSEBના સત્તાવાર પોર્ટલની મુલાકાત લેતા રહેવું જોઈએ.
