અમદાવાદના નરોડા વિસ્તારમાં ક્રાઈમ બ્રાન્ચે એક ચોંકાવનારો કિસ્સો ઉકેલ્યો છે, જેમાં કેન્યાની નાગરિક આર્ચિંગ રેબેકા આવુરને એક હોટલમાંથી ઝડપી લેવામાં આવી છે. તપાસમાં બહાર આવ્યું છે કે આ મહિલા ભારતમાં ગેરકાયદેસર રીતે રહી રહી હતી અને ખોટા પાસપોર્ટ અને વિઝા દસ્તાવેજોનો ઉપયોગ કરી રહી હતી. આર્ચિંગ રેબેકા 2022માં એક મહિનાના ટુરિસ્ટ વિઝા પર ભારતમાં આવી હતી, તે જ વર્ષે સમાપ્ત થઈ ગયા હતા. વિઝા સમાપ્ત થયા પછી તે પોતાની હરિયાણાની મિત્ર સલિમ સુમૈયા મોહમ્મદની મદદથી નકલી તાન્ઝાનિયન પાસપોર્ટ બનાવાવી, જેમાં ફક્ત દેખાવ માટે તાન્ઝાનિયા દેશનો ઉલ્લેખ હતો, પરંતુ ફોટો અને પાસપોર્ટની વિગતો સાથે મેળ ખાતી ન હતી.
પોલીસની તપાસમાં જાણવા મળ્યું કે આ મહિલા આ નકલી દસ્તાવેજોના આધારે વિવિધ હોટલોમાં રહી રહી હતી, જેમાં નાનકડા ચિલોડા નજીક આવેલ હોટેલ નોવા બ્લુ પણ સામેલ છે. શરૂઆતમાં તેણે પોતાના નામ અને દેશ અંગે ખોટી માહિતી આપી અને પોતાને સલિમ સુમૈયા મોહમ્મદ તરીકે રજૂ કર્યું, જે તાન્ઝાનિયાનું નાગરિક હોવાનું બતાવતું હતું. તેમ છતાં, પોલીસ તપાસ દરમિયાન તેની સાચી ઓળખ આર્ચિંગ રેબેકા આવુર તરીકે સામે આવી. પોલીસે બંને મહિલાઓ સામે સંબંધિત કલમો હેઠળ ગુનો નોંધ્યો છે અને વધુ તપાસ હાથ ધરી છે.
આ કેસમાં વિદેશી પ્રાદેશિક નોંધણી કાર્યાલય (FRRO) દ્વારા પૂરતી માહિતી આપવામાં આવી હતી, જેના આધારે પોલીસે કાર્યવાહી શરૂ કરી હતી. આ ઘટના દ્વારા ગેરકાયદેસર વિદેશી નાગરિકો દ્વારા નકલી દસ્તાવેજોનો ઉપયોગ કરવાના જોખમો સામે વધુ એક ગંભીર ચેતવણી દેખાઈ છે, જેમાં નરોડા પોલીસ તંત્ર જાગૃત અને સક્રિય બની રહ્યું છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
