ઋષભ પંત પાંચમી ટેસ્ટથી બહાર, નવા વિકેટકીપરની ટીમ ઈન્ડિયામાં એન્ટ્રી

ભારત અને ઈંગ્લેન્ડ વચ્ચે ચાલી રહેલી પાંચ મેચોની ટેસ્ટ સિરીઝનો ચોથો મુકાબલો માનચેસ્ટરના ઓલ્ડ ટ્રેફોર્ડ મેદાનમાં રમાયો હતો, જે ડ્રો રહ્યો હતો. ભારતીય ટીમ માટે આ મુકાબલામાં કેપ્ટન શુભમન ગિલ, રવિન્દ્ર જાડેજા અને વોશિંગ્ટન સુંદરની આક્રમક બેટિંગ ખૂબ જ મહત્વપૂર્ણ રહી હતી. હવે આ રોમાંચક શ્રેણીની અંતિમ અને પાંચમી ટેસ્ટ મેચ 31 જુલાઈએ લંડનના ઓવલ મેદાનમાં રમાશે, જેને લઈને બંને ટીમો તૈયારીમાં લાગી ગઈ છે.

તેમ છતાં, ભારત માટે ઓવલ ટેસ્ટ પહેલા જ મોટો ઝટકો સામે આવ્યો છે. ટીમના મુખ્ય વિકેટકીપર-બેટર ઋષભ પંત ઈજાને લીધે પાંચમી ટેસ્ટમાંથી બહાર થઈ ગયા છે. બોર્ડ ઑફ કંટ્રોલ ફોર ક્રિકેટ ઇન ઇન્ડિયા (BCCI) એ આ માહિતી આપી છે કે ઋષભ પંતના જમણા પગમાં ફ્રેક્ચર થયું છે, જે તેમને માનચેસ્ટર ટેસ્ટ દરમિયાન થયો હતો. પ્રથમ દિવસે જ્યારે પંત ક્રિસ વોક્સનો રિવર્સ સ્વીપ કરવાનો પ્રયાસ કરી રહ્યો હતો, ત્યારે બોલ તેમના પગમાં વાગ્યો હતો. ઈજા કારણે પંત રિટાયર્ડ હર્ટ થયો હતો. તે પછી બીજા દિવસે પંત બેટિંગ કરવા આવ્યો અને 54 રનની મહત્વપૂર્ણ ઈનિંગ રમી, પરંતુ ફ્રેક્ચર ગંભીર હોવાને લીધે તે આખી શ્રેણીમાંથી બહાર થયો છે.

🚨 𝗦𝗾𝘂𝗮𝗱 𝗨𝗽𝗱𝗮𝘁𝗲 🚨

Rishabh Pant ruled out of fifth Test due to injury; N Jagadeesan named replacement.

All The Details 🔽 #TeamIndia | #ENGvIND

— BCCI (@BCCI) July 27, 2025

BCCIની મેડિકલ ટીમ હાલ ઋષભ પંતની ઈજાની સતત દેખરેખ રાખી રહી છે અને ટીમ તેમને ઝડપથી સાજા થવાની શુભકામનાઓ આપી રહી છે. પંતના સ્થાને ટીમ ઇન્ડિયાએ તમિલનાડુના અનુભવીઅ અને ઘેરેલૂ ક્રિકેટમાં અભૂતપૂર્વ ફોર્મમાં રહેલા વિકેટકીપર-બેટર એન. જગદીશનને ટીમમાં સામેલ કર્યો છે.

પહેલીવાર જગદીશન ટેસ્ટ ટીમમાં સામેલ

એન. જગદીશનને ઘરેલુ ક્રિકેટમાં સતત શ્રેષ્ઠ પર્ફોર્મન્સના કારણે પહેલીવાર ટેસ્ટ ટીમમાં સામેલ કરવામાં આવ્યો છે. જગદીશનને ફર્સ્ટ ક્લાસ ક્રિકેટમાં પણ ઘણો અનુભવ છે. તેના સમાવેશ સાથે, ભારતને બીજો કુશળ વિકેટકીપર મળ્યો છે. ધ્રુવ જુરેલ પહેલાથી જ ટીમમાં છે. કેએલ રાહુલ પણ એક વિકલ્પ છે, પરંતુ ફિટનેસ સમસ્યાઓના કારણે તે ટેસ્ટમાં વિકેટકીપિંગ કરતો નથી.

પાંચમી ટેસ્ટ માટે ભારતીય ટીમમાં કેટલાક યુવા ખેલાડીઓ સાથે અનુભવી ખેલાડીઓનો મજબૂત મિશ્રણ જોવા મળે છે. ટીમમાં કેપ્ટન તરીકે શુભમન ગિલ છે અને તેઓ સાઈ સુદર્શન, યશસ્વી જયસ્વાલ, કેએલ રાહુલ, અભિમન્યુ ઈશ્વરન, કરુણ નાયર જેવા ટોપ ઓર્ડર બેટરો સાથે સિદ્ધ હોવાની તૈયારીમાં છે. બોલિંગ વિભાગમાં બુમરાહ, સિરાજ, પ્રસિદ્ધ કૃષ્ણા અને કુલદીપ યાદવ જેવા મુખ્ય બોલરો ઉપરાંત નવા ચહેરા પણ તક માટે આતુર છે.