જેસીઆઈ નડીયાદ તથા ઈન્ડિઅન રેડક્રોસ સોસાયટી, ખેડા જિલ્લા શાખા દ્વારા “સેલ્યુટ ટુ સાઇલેંટ સ્ટાર્સ” અંતર્ગત એમજીવીસીએલ, પોલીસ ડિપાર્ટમેન્ટ, ૧૦૮ એમ્બ્યુલન્સ ટીમ, ફાયર બ્રિગેડ અને હોમગાર્ડઝ દળના અધિકારીઓ તેમજ ૫૦ કર્મચારીઓને ડિઝાસ્ટર મેનેજમેન્ટ સંલગ્ન બાબતે ઉત્કૃષ્ટ કામગીરી બદલ પ્રમાણપત્ર તથા બ્રાન્ડેડ યુટીલીટી કીટ આપી તેઓનું સન્માન કરવામાં આવ્યું હતું.
આ કાર્યક્રમમાં ઝોન ૮ના પ્રમુખ જેસી સિદ્ધાર્થ ભટનાગર, જેએસી ચેરમેન જેસી સદય જોષી, સિસ્ટમ ઇન્ચાર્જ જેસી અનુપ દેસાઇ, એમજીવીસીએલના અધિક્ષક ઇજનેર શ્રી ટી.સી.વ્યાસ, ૧૦૮ એમ્બ્યુલન્સ સર્વિસના પ્રોગ્રામ મેનેજર ઈરફાન દિવાન, જેસીઆઈ પ્રમુખ જેસી જૈમિન મહેતા અને સેક્રેટરી જેસી કેતૂર પટેલ ઉપસ્થિત રહ્યા.
