એશિયન શેરબજારોમાં આવેલા તીવ્ર ઘટાડાની અસર સોમવારે અઠવાડિયાના પહેલા ટ્રેડિંગ દિવસે ભારતીય શેરબજાર પર પણ જોવા મળી હતી અને સેન્સેક્સ અને નિફ્ટી બંને સૂચકાંકો ખુલતાની સાથે જ તૂટી પડ્યા હતા. પ્રી-ઓપન માર્કેટમાં જ બંનેમાં લગભગ 5 ટકાના ભારે ઘટાડા સાથે વેપાર થતો જોવા મળ્યો. આ પછી જ્યારે બજાર ખુલ્યું ત્યારે બોમ્બે સ્ટોક એક્સચેન્જનો 30 શેરનો સેન્સેક્સ 3000 થી વધુ પોઈન્ટના ઘટાડા સાથે ખુલ્યો. જ્યારે બીજી તરફ નેશનલ સ્ટોક એક્સચેન્જનો નિફ્ટી પણ 1000 થી વધુ પોઈન્ટના ઘટાડા સાથે ટ્રેડિંગ શરૂ કર્યું. ટાટા મોટર્સથી લઈને રિલાયન્સ સુધી, શરૂઆતના કારોબારમાં શેરબજારમાં તીવ્ર ઘટાડો જોવા મળ્યો.
ડોનાલ્ડ ટ્રમ્પના ટેરિફવોરથી દુનિયાના શેરમાર્કેટમાં ધોવાણ
- વિશ્વભરના શેરમાર્કેટમાં મોટો કડાકો
- એશિયાઈ શેરમાર્કેટમાં 6થી 8 ટકાનો મોટો ઘટાડો
- ભારતીય શેરબજારને પણ ટેરિફવોરની માઠી અસર
- ડાઓ ફ્યૂચર્સમાં 1 હજાર પોઈન્ટનો કડાકો
- તાઈવાન શેરમાર્કેટમાં 10 ટકાનો ઘટાડો
- ચીનના હેંગસેંગ ઈન્ડેક્સ પણ 10 ટકા ડાઉન
- દક્ષિણ કોરિયાના કોસ્પી ઈન્ડેક્સમાં 5 ટકાનો ઘટાડો
- શાંઘાઈ કમ્પોઝિટ ઈન્ડેક્સમાં 7 ટકાનું ગાબડું
રોકાણકારને 19 લાખ કરોડનું નુકસાન
શેરબજારમાં મોટો ઘટાડો જોવા મળી રહ્યો છે. જેના કારણે શેરબજારના રોકાણકારોને ભારે નુકસાન થયું છે. જો આપણે આંકડાઓ પર નજર કરીએ તો રોકાણકારોને 5 મિનિટમાં 19 લાખ કરોડ રૂપિયાથી વધુનું નુકસાન સહન કરવું પડ્યું. શુક્રવારે જ્યારે બજાર બંધ થયું ત્યારે BSEનું માર્કેટ કેપ 40334886.46 કરોડ રૂપિયા હતું જે સોમવારે સવારે ઘટીને 38395173.56 કરોડ રૂપિયા થયું.
આનો અર્થ એ થયો કે રોકાણકારોએ 5 મિનિટમાં 1939712.9 કરોડ રૂપિયા ગુમાવ્યા. ટ્રેડિંગ સેશન દરમિયાન આ નુકસાન વધી શકે છે. હકીકતમાં અમેરિકન ટેરિફની અસર ફક્ત ભારતીય બજાર પર જ નહીં પરંતુ વિશ્વભરના શેરબજારો પર પણ દેખાય છે. દરેક જગ્યાએ ભારે ઘટાડો જોવા મળ્યો છે. ઓસ્ટ્રેલિયા, જાપાન અને તાઇવાનના બજારોમાં પણ ભારે ઘટાડો જોવા મળ્યો છે.
રિલાયન્સથી ટાટા સુધીના શેરમાં કડાકો
શરૂઆતના કારોબારમાં, BSE લાર્જ-કેપ ઇન્ડેક્સ સંપૂર્ણપણે લાલ દેખાયો. તમામ 30 મોટી કંપનીઓના શેર ખરાબ રીતે નીચે ટ્રેડ થઈ રહ્યા હતા. આ દરમિયાન, સૌથી મોટો ઘટાડો ટાટા સ્ટીલના શેરમાં આવ્યો અને તે 10.43 ટકા ઘટીને રૂ. 125.80 પર આવી ગયો. આ ઉપરાંત, ટાટા મોટર્સનો શેર (8.29%), ઇન્ફોસિસનો શેર (7.01%), ટેક મહિન્દ્રાનો શેર (6.85%), LT શેર (6.19%), HCL ટેક શેર (5.95%), અદાણી પોર્ટ્સનો શેર (5.54%), TCSનો શેર (4.99%), રિલાયન્સનો શેર (4.55%) અને NTPCનો શેર (4.04%) નીચા સ્તરે ટ્રેડ થઈ રહ્યા હતા.
સેન્સેક્સ-નિફ્ટી ખૂલતાની સાથે જ ધડાકો
શેરબજારમાં ટ્રેડિંગની શરૂઆતમાં BSE સેન્સેક્સ 71,449 પર ખુલ્યો. જે તેના અગાઉના બંધ 75,364.69 ની તુલનામાં ખરાબ રીતે ઘટ્યો. NSE નિફ્ટીએ 21758 પર ટ્રેડિંગ શરૂ કર્યું જે તેના અગાઉના બંધ 22,904 ની તુલનામાં ઘટ્યો. આ પછી બંને સૂચકાંકો થોડા સમયમાં વધુ ઘટ્યા. જ્યાં નિફ્ટી-50 1000 પોઈન્ટ ઘટીને 21,743 પર પહોંચી ગયો. અને સેન્સેક્સ 71,425 ના સ્તરે ટ્રેડ થતો જોવા મળ્યો.
