ગુજરાત એન્ટી ટેરરિઝમ સ્ક્વોડ (ATS) દ્વારા દેશમાં આતંકી ગતિવિધિઓ સામેની જંગમાં એક મહત્વની સફળતા મળી છે. ATSએ બેંગલોરમાંથી શમા પરવીન નામની 30 વર્ષની મહિલાની ધરપકડ કરી છે, જે આતંકી સંગઠન અલ કાયદા ઇન ધ ઇન્ડિયન સબકોન્ટિનેન્ટ (AQIS) સાથે સીધી રીતે જોડાયેલી હોવાનું ખુલ્યું છે. શમા પરવીન મૂળ ઝારખંડની રહેવાસી છે અને એ સોશિયલ મીડિયા તેમજ શંકાસ્પદ એપ્લિકેશન્સ દ્વારા અલકાયદાની ઉગ્રપંથી વિચારધારાને ફેલાવવાની કામગીરીમાં સક્રિય હતી.
ગુજરાતના ગૃહ રાજ્યમંત્રી હર્ષ સંઘવીએ તેના પાકિસ્તાન સાથેના કનેક્શનની પુષ્ટિ કરતાં જણાવ્યું કે શમાની ધરપકડ એક મોટી સફળતા છે. તેમણે વધુમાં જણાવ્યું કે ઓનલાઇન ટેરર મોડ્યુલ દ્વારા શમા કાર્યરત હતી અને તેના કનેક્શન અનેક પાકિસ્તાની સંપર્કો સાથે વિવિધ ડિવાઈસમાંથી બહાર આવ્યા છે. ગુજરાત ATSએ અગાઉ પણ આ મોડ્યુલ સાથે જોડાયેલા ચાર અન્ય આતંકી — મોહમ્મદ ફૈક (ફરાસખાના, દિલ્હી), ઝીશાન અલી (સેક્ટર-63, નોઈડા), મોહમ્મદ ફરદીન (ફતેહવાડી, અમદાવાદ) અને સેફુલ્લા કુરેશી (મોડાસા, અરવલ્લી)ને ઝડપી પાડ્યા હતા.
गांधीनगर | गुजरात के गृह मंत्री हर्ष संघवी:
– गुजरात ATS ने पहले 4 AQIS (अल-कायदा इन द इंडियन सबकॉन्टिनेंट) के आतंकवादियों को गिरफ्तार किया था…
– कल, बेंगलुरु से एक महिला को गिरफ्तार किया गया। वह अत्यधिक कट्टरपंथी है और एक ऑनलाइन टेरर मॉड्यूल (terror module) चलाती थी।
– उसके… pic.twitter.com/kuajPEYvQY
— One India News (@oneindianewscom) July 30, 2025
આ સમગ્ર કામગીરી પાછળ ATSનું તાજેતરના સમયમાં રચાયેલું ડિજિટલ ઇન્ટેલિજન્સ નેટવર્ક મહત્વપૂર્ણ સાબિત થયું છે. સુત્રો અનુસાર, શમા પરવીન નફરતભર્યું પ્રોપગંડા ફેલાવતી હતી અને યુવાઓને ઉશ્કેરીને આ આતંકી સંગઠન સાથે જોડવાનો પ્રયાસ કરતી હતી. એટલું જ નહીં, એવી આશંકા પણ છે કે તે કોઈ મોટા ષડયંત્ર માટે જૂથ બનાવવાનો પ્રયાસ કરી રહી હતી.
આ કાર્યવાહી દર્શાવે છે કે ગુજરાત ATS આતંકી તત્વો સામે સક્રિય રીતે કામગીરી કરી રહી છે અને દેશના સુરક્ષા તંત્ર માટે મજબૂત દુર્ગ બની રહી છે. શમા પરવીનની ધરપકડ સાથે પાકિસ્તાનથી ચાલતા ટેરર નેટવર્કના વધુ ખુલાસા થવાની સંભાવના છે, જેને લઈને વધુ પૂછપરછ અને તપાસ ચાલી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
