કઠલાલ પાસેથી પસાર થતાં અમદાવાદ ઈન્દોર હાઇવે ઉપર લસુન્દ્રા પાસેથી સ્ટેટ મોનિટરિંગ સેલ પોલીસે બાતમીના આધારે વિદેશી દારૂનો જથ્થો ઝડપી પાડ્યો હતો.
એસએમસી પોલીસ બાતમીના આધારે વોચમાં ઉભી હતી તે દરમિયાન એક ગાડી આવતા તેને ઉભી રાખી હતી અને તેમાં તપાસ કરતા ભારતીય બનાવટ નો વિદેશી દારૂ મળી આવ્યો હતો.એસએમસી પોલીસે ગાડીમાંથી દારૂ અને બિયરની બોટલો નંગ ૧,૮૭૬ જેની કિંમત રૂપિયા ૧,૮૭,૬૦૦ નો વિદેશી દારૂ ઝડપી પાડ્યો હતો. સમગ્ર મામલે સ્ટેટ મોનિટરિંગ સેલ પોલીસે મહેશ પ્રકાશજી સેવક રહેવાસી રાજસ્થાન નાઓને ઝડપી પાડ્યો હતો.પોલીસે એક મોબાઇલ કિંમત રૂપિયા ૫૦૦૦ તેમજ એક ગાડી કિંમત રૂપિયા પાંચ લાખ મળી કુલ રૂપિયા ૬,૯૨,૬૦૦ ના પ્રોહી મુદ્દામાલ સાથે મહેશ સેવકને ઝડપી પાડી કાર્યવાહી હાથ ધરી હતી.
