ફિલ્મમેકર વિવેક અગ્નિહોત્રીની ફિલ્મ ‘ધ કાશ્મીર ફાઈલ્સ’ ગત વર્ષે સૌથી મોટી હિટ ફિલ્મોમાંથી એક હતી. આ ફિલ્મને લઈને ખૂબ વિવાદ થયો હતો. આ ફિલ્મને બેન કરવાની પણ માંગ કરવામાં આવી હતી. ફિલ્મમેકર પણ પણ નિસાન સાધવામાં આવ્યુ હતું. ‘ધ કાશ્મીર ફાઈલ્સ’ને પ્રોપેગેન્ડા ફિલ્મ ગણાવવામાં આવી હતી. લાંબા સમય સુધી આ ફિલ્મ વિરુદ્ધ નિવેદનો આવતા રહ્યા. હવે આ વચ્ચે ફિલ્મમેકરે ‘કાશ્મીર અનરિપોર્ટેડ’નું ટિઝર રિલીઝ કરી દીધુ છે.
વિવેક અગ્નિહોત્રી પોતાની અપકમિંગ વેબ સીરિઝ ‘કાશ્મીર અનરિપોર્ટેડ’ લઈને આવી રહ્યા છે. ફિલ્મમેકરે તેનું ટિઝર પણ આઉટ કરી દીધુ છે. આ વેબ સીરિઝ ‘ધ કાશ્મીર ફાઈલ્સ’ની ફોલોઅપ સ્ટોરી બતાવતી નજર આવશે. ડાયરેક્ટરે એક મિનિટના ટિઝરમાં ઘણું બધુ બતાવવાનો પ્રયત્ન કર્યો છે. કાશ્મીરી પંડિતોના દર્દને ફરી એક વખત બધાની સામે રજૂ કરવા માટે વિવેકે કમર કસી લીધી છે.
PRESENTING:
A lot of Genocide Deniers, terror supporters & enemies of Bharat questioned The Kashmir Files. Now bringing to you the VULGAR truth of Kashmir Genocide of Hindus which only a devil can question.
Coming soon #KashmirUNREPORTED. Be ready to cry.
Only on @ZEE5India… pic.twitter.com/DgGlnzSKwA
— Vivek Ranjan Agnihotri (@vivekagnihotri) July 19, 2023
‘કાશ્મીર અનરિપોર્ટેડ’માં શું અલગ?
આ વખતે ‘કાશ્મીર અનરિપોર્ટેડ’ દ્વારા ફિલ્મ નિર્માતા વાસ્તવિક લોકોને તેમની સ્ટોરીને કહેડાવતા નજર આવી રહ્યા છે. આ વેબ સીરિઝમાં જે લોકો આ દર્દમાંથી પસાર થયા છે તેઓ પોતે જ તેમની અગ્નિપરીક્ષાનું વર્ણન કરતા જોવા મળશે. ટીઝરને શેર કરતા વિવેક અગ્નિહોત્રીએ તેના કેપ્શનથી બધાનું ધ્યાન આકર્ષિત કર્યું છે. વિવેકના કેપ્શન પ્રમણે દિગ્દર્શકે ‘ધ કાશ્મીર ફાઇલ્સ’ પર સવાલ ઉઠાવનારાઓને ભારતના દુશ્મન લખ્યા છે. વધુમાં તેમણે લખ્યું કે તે કાશ્મીરમાં હિન્દુઓના નરસંહારનું અશ્લીલ સત્ય બધાની સામે લાવી રહ્યો છે.
આ વેબ સિરીઝના ટીઝર પહેલા ફિલ્મમેકર વિવેક અગ્નિહોત્રીએ તેનું પોસ્ટર પણ રિલીઝ કર્યું હતું. જેને શેર કરતા વિવેકે કહ્યું હતું કે તે આ વેબ સિરીઝ દ્વારા હિન્દુઓના નરસંહારનું સત્ય બધાની સામે લાવશે. આ ડોક્યુ સીરિઝ OTT પ્લેટફોર્મ Zee5 પર રિલીઝ થશે. જોકે તેની રિલીઝ ડેટ જાહેર કરવામાં નથી આવી.
