મહારાષ્ટ્રના નાસિક જિલ્લાના માલેગાંવ શહેરમાં ટીપુ સુલતાનની તસવીર લગાવવાના મુદ્દે રાજકીય વિવાદ સર્જાયો છે. માલેગાંવ મહાનગરપાલિકાના ડેપ્યુટી મેયર નિહાલ અહેમદે તેમની સત્તાવાર ઓફિસમાં ટીપુ સુલતાનની તસવીર લગાવ્યા બાદ ભાજપ અને શિવસેના (શિંદે જૂથ)ના કાર્યકરો દ્વારા વિરોધ પ્રદર્શન કરવામાં આવ્યું હતું. આ ઘટનાએ સ્થાનિક રાજકારણમાં ગરમાવો લાવ્યો છે અને સાંપ્રદાયિક તેમજ ઐતિહાસિક ચર્ચાઓને ફરી તેજ બનાવી છે.
તસવીર લગાવતા રાજકીય વિવાદ શરૂ
માહિતી મુજબ, ડેપ્યુટી મેયરે તાજેતરમાં તેમની ઓફિસમાં ટીપુ સુલતાનની તસવીર લગાવી હતી. વિરોધ પક્ષોએ આ નિર્ણયને લઈને કડક વિરોધ નોંધાવ્યો છે. તેમના મત મુજબ, ટીપુ સુલતાન એક વિવાદાસ્પદ ઐતિહાસિક વ્યક્તિત્વ છે અને સરકારી કચેરીમાં તેમની તસવીર લગાવવાથી સામાજિક તણાવ ઊભો થઈ શકે છે.
ભાજપનો આક્ષેપ: “સાચા નાયકોનું અપમાન”
ભાજપ પ્રવક્તા શેહઝાદ પૂનાવાલાએ સોશિયલ મીડિયા પ્લેટફોર્મ X પર પોસ્ટ કરીને આ મુદ્દે પ્રતિક્રિયા આપી હતી. તેમણે આરોપ લગાવ્યો કે ઓફિસમાં ટીપુ સુલતાનની તસવીર છે પરંતુ છત્રપતિ શિવાજી મહારાજ, મહાત્મા ગાંધી અને ડૉ. બાબાસાહેબ આંબેડકરની તસવીરો ગેરહાજર છે, જે દેશના સાચા નાયકોનું અપમાન છે. તેમણે વધુમાં AIMIM પર વોટબેંક રાજકારણ કરવાનો આરોપ પણ લગાવ્યો હતો.
Deputy Mayor of Malegaon, Shan E Hind.
She has put up a photo of Hindu hater Tipu Sultan but images of Chhatrapati Shivaji Maharaj, Mahatma Gandhi, Babasaheb Ambedkar missing.. Huge insult to our real heroes
Constitution gave you the opportunity of becoming Deputy Mayor… its… pic.twitter.com/p0CXoYxxVM
— Shehzad Jai Hind (Modi Ka Parivar) (@Shehzad_Ind) February 14, 2026
શિવસેના કાર્યકરો રસ્તા પર ઉતર્યા
આ વિવાદ બાદ શિવસેના (શિંદે જૂથ)ના કાર્યકરો માલેગાંવમાં રસ્તા પર ઉતરી આવ્યા અને વિરોધ પ્રદર્શન કર્યું હતું. કાર્યકરોએ સૂત્રોચ્ચાર સાથે માંગ કરી કે ડેપ્યુટી મેયરની ઓફિસમાંથી ટીપુ સુલતાનની તસવીર તાત્કાલિક દૂર કરવામાં આવે. શિવસેનાના નેતાઓએ જણાવ્યું કે મહારાષ્ટ્ર છત્રપતિ શિવાજી મહારાજની ભૂમિ છે અને અહીં આવા વિવાદાસ્પદ શાસકોને સન્માન આપવું સ્વીકાર્ય નથી.
આ ઘટનાને કારણે રાજ્યમાં ઐતિહાસિક વ્યક્તિત્વો અંગે રાજકીય ચર્ચા ફરી તેજ બની છે. સ્થાનિક પ્રશાસન પર હાલ સ્થિતિ શાંતિપૂર્ણ રાખવા અને કાયદો-વ્યવસ્થા જાળવવાની જવાબદારી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
