લોકસભા સામાન્ય ચૂંટણી-2024 અંતર્ગત ખેડા જિલ્લામાં મતદાન જાગૃતિના અનેકવિધ કાર્યક્રમો કરવામાં આવી રહ્યા છે, જે સંદર્ભે નડિયાદ શહેરના પીજ રોડ ખાતે આવેલ વોકિંગ ગાર્ડનમાં ખેડા જિલ્લાના સિનિયર સિટીઝન તથા જિલ્લા પેન્શનર સંગઠનના સંયુક્ત ઉપક્રમે મતદાન જાગૃતિ કાર્યક્રમ યોજાયો હતો. જેમાં સિનિયર સિટીઝનો તથા પેન્શનરોને આવનાર ચૂટંણીમાં 85 વર્ષથી વધુ વયનાં મતદારોને મળવાપાત્ર લધુતમ સુવિધાઓથી વાકેફ કરવામાં આવ્યા હતા. અહીં ઉપસ્થિત સૌએ આવનાર ચૂંટણીમાં અચૂક મતદાન કરવાનો સંકલ્પ લીધો હતો.
આ કાર્યક્રમમાં નડિયાદ નગરપાલિકાના ચીફ ઓફીસર રૂદ્રેશ હુદડ, નડિયાદ સીટી મામલતદાર, જિલ્લા શિક્ષણાધિકારી કચેરીના ચૂંટણી સબનોડલ સહિત શહેરીજનો ઉપસ્થિત રહ્યા હતા.
