Metaની માલિકી ધરાવતી ઇન્સ્ટન્ટ મેસેજિંગ એપ WhatsApp હવે પોતાના યુઝર્સ માટે મોટું પ્રાઇવસી અપડેટ લઈને આવી રહી છે. WhatsApp પર હવે યુઝર્સને પોતાનું અલગ @Username મળશે, જેના દ્વારા તેઓ પર્સનલ મોબાઈલ નંબર શેર કર્યા વગર અન્ય લોકો સાથે ચેટ કરી શકશે. આ ફીચર હાલ username reservation તબક્કામાં છે અને વર્ષના અંત સુધીમાં તેનું વ્યાપક રોલઆઉટ થવાની શક્યતા છે. WhatsAppના 3 અબજથી વધુ વૈશ્વિક યુઝર્સ માટે આ અપડેટ એક મહત્વપૂર્ણ પ્રાઇવસી બદલાવ માનવામાં આવી રહ્યું છે.
અત્યાર સુધી WhatsApp પર કોઈ વ્યક્તિ સાથે ચેટ શરૂ કરવા માટે સામાન્ય રીતે મોબાઈલ નંબર શેર કરવો જરૂરી બનતો હતો. ઘણીવાર પ્રોફાઇલ ફોટો, સ્ટેટસ કે લાસ્ટ સીન જેવી માહિતી છુપાવ્યા બાદ પણ મોબાઈલ નંબર સામેની વ્યક્તિ પાસે દેખાઈ જતો હતો. નવા યુઝરનેમ ફીચરથી આ સમસ્યામાં રાહત મળશે, કારણ કે નવા સંપર્કો સાથે વાતચીત માટે હવે નંબરની જગ્યાએ યુઝરનેમનો ઉપયોગ કરી શકાશે.
મોબાઈલ નંબર દેખાવાની ઝંઝટમાંથી મળશે મુક્તિ, મહિલાઓને મોટો ફાયદો
આ ફીચર ખાસ કરીને પ્રાઇવસી અને સેફ્ટી દૃષ્ટિએ મહત્વપૂર્ણ છે. કેબ ડ્રાઈવર, ડિલિવરી એજન્ટ, સર્વિસ પ્રોવાઇડર, અજાણી વ્યક્તિ કે બિઝનેસ એકાઉન્ટ સાથે વાત કરતી વખતે યુઝર્સને પોતાનો મોબાઈલ નંબર જાહેર કરવાની જરૂર નહીં રહે. ખાસ કરીને મહિલાઓ અને એવા યુઝર્સ માટે આ સુવિધા ઉપયોગી બની શકે છે, જેમને અજાણ્યા લોકો દ્વારા નંબર સેવ કરીને વારંવાર મેસેજ કરવાની સમસ્યા અનુભવવી પડતી હતી.
your phone number is personal and sometimes you want to connect without handing it over. that's why we're introducing usernames for WhatsApp.
starting this week, you can reserve a username to use later this year when we launch the feature. It takes just a few seconds, make sure…
— WhatsApp (@WhatsApp) June 29, 2026
WhatsAppના નવા સિસ્ટમમાં યુઝરનેમ જાહેર સર્ચ ડિરેક્ટરીમાં દેખાશે નહીં. એટલે કે કોઈ વ્યક્તિ તમને માત્ર અંદાજથી શોધી શકશે નહીં. ચેટ શરૂ કરવા માટે સામેની વ્યક્તિને તમારું ચોક્કસ યુઝરનેમ જાણવું જરૂરી રહેશે. આ ઉપરાંત WhatsApp એક વધારાનું સુરક્ષા સ્તર પણ લાવી રહ્યું છે, જેને Username Key કહેવાશે. આ કી સેટ કરવાથી માત્ર યુઝરનેમ જાણવાથી પણ કોઈ વ્યક્તિ સીધો મેસેજ નહીં કરી શકે, જ્યાં સુધી તેની પાસે તમારી કી ન હોય.
યુઝર્સ હવે પોતાનું મનપસંદ યુઝરનેમ રિઝર્વ કરી શકે છે. રિપોર્ટ્સ મુજબ, WhatsAppના લેટેસ્ટ વર્ઝનમાં Settings > Account > Username અથવા iOSમાં પ્રોફાઇલ સેક્શન મારફતે આ વિકલ્પ દેખાઈ શકે છે. Android અને iOS બંને માટે આ સુવિધા તબક્કાવાર ઉપલબ્ધ થઈ રહી છે.
યુઝરનેમ પસંદ કરવા માટે કેટલાક નિયમો રાખવામાં આવ્યા છે. રિપોર્ટ્સ અનુસાર, WhatsApp username 3 થી 35 કેરેક્ટર સુધીનું હોઈ શકે છે અને તેમાં Latin letters, numbers, periods અને underscoresનો ઉપયોગ થઈ શકે છે. યુઝર્સ ઈચ્છે તો પોતાના Instagram અથવા Facebook જેવા જ નામને WhatsApp પર પણ ક્લેમ કરવાનો પ્રયાસ કરી શકે છે, જો તે ઉપલબ્ધ હોય.
Meta તરફથી impersonation રોકવા માટે પણ પગલાં લેવામાં આવી રહ્યા છે. મોટા જાહેર ચહેરાઓ, રાજકીય નેતાઓ, સેલિબ્રિટીઓ અને જાણીતા બ્રાન્ડ્સ સાથે જોડાયેલા નામો પહેલેથી જ સુરક્ષિત રાખવામાં આવી રહ્યા છે, જેથી નકલી એકાઉન્ટ્સ અથવા ભ્રમ ફેલાવવાના પ્રયાસો અટકાવી શકાય.
એક મહત્વની બાબત એ છે કે WhatsApp પર એકાઉન્ટ બનાવવા માટે મોબાઈલ નંબરની જરૂરિયાત સંપૂર્ણ રીતે દૂર થવાની નથી. ફોન નંબર હજુ પણ રજિસ્ટ્રેશન અને એકાઉન્ટ રિકવરી માટે જરૂરી રહેશે. પરંતુ નવા લોકોને ચેટ કરવા માટે તમારો મોબાઈલ નંબર શેર કરવો ફરજિયાત રહેશે નહીં. એટલે આ ફીચર નંબરને સંપૂર્ણ બદલી નાખતું નથી, પરંતુ નંબરને પબ્લિક રીતે શેર થવાથી બચાવવાનો પ્રયાસ કરે છે.
ટેક નિષ્ણાતોના મતે, WhatsAppનું આ ફીચર ખૂબ જ મહત્વપૂર્ણ છે, પરંતુ ઘણું મોડું આવ્યું છે. Telegram અને Signal જેવી એપ્સમાં યુઝરનેમ આધારિત પ્રાઇવસી સુવિધા પહેલાથી ઉપલબ્ધ છે. Signalએ 2024માં યુઝરનેમ ફીચર રજૂ કર્યું હતું, જ્યારે WhatsApp હવે 2026માં તેને વ્યાપક રીતે લાવી રહ્યું છે.
કૃણાલ શાહે કર્યા માહિતગાર
WhatsAppના નેતૃત્વ સાથે જોડાયેલા કુણાલ શાહે પણ યુઝરનેમ રિઝર્વેશનને લઈને યુઝર્સને પોતાનું મનપસંદ નામ વહેલું ક્લેમ કરવાની સલાહ આપી હોવાનું રિપોર્ટ્સમાં જણાવાયું છે. Reutersના અહેવાલ મુજબ, CREDના સ્થાપક કુણાલ શાહને જૂન 2026માં Metaની WhatsApp ટીમનું નેતૃત્વ સોંપાયું હતું.
કુલ મળીને, WhatsApp Username Feature વિશ્વભરના કરોડો યુઝર્સ માટે પ્રાઇવસી અને સિક્યોરિટી દૃષ્ટિએ મોટો બદલાવ બની શકે છે. નંબર શેર કર્યા વગર ચેટ કરવાની સુવિધા, ચોક્કસ યુઝરનેમ આધારિત સંપર્ક અને Username Key જેવી સુરક્ષા સુવિધાઓ WhatsAppને વધુ પ્રાઇવેટ અને યુઝર-કંટ્રોલ્ડ મેસેજિંગ પ્લેટફોર્મ બનાવશે.
Timing is everything. Joined WhatsApp early enough to claim my username before we release this to the world. Time to get yours.
A more private way to connect. Coming soon to your WhatsApp. https://t.co/ZIq3S5n7gc
— Kunal Shah (@kunalb11) June 29, 2026
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
