જ્યોતિષીઓનું કહેવું છે કે દિવાળી પર આવા શુભ યોગની સ્થિતિ છેલ્લાં 700 વર્ષમાં બની નથી. આવા શુભ સંયોગને કારણે આ લક્ષ્મી પર્વ સુખ-સમૃદ્ધિ આપશે. દિવાળી પર બનેલી ગ્રહોની સ્થિતિ દેશની પ્રગતિના શુભ સંકેતો આપી રહી છે.
પુષ્ય નક્ષત્ર અને ધનતેરસથી નવા ચોપડા અને હિસાબ લઈને નવા વર્ષનો ધંધો શરૂ કરવાની વેપારીઓમાં પરંપરા છે. જૈન સમાજનું મહાવીર નિર્વાણ સંવત પણ દિવાળીથી શરૂ થાય છે.
કયા હશે 5 રાજયોગ?
હર્ષ યોગ, ગજકેસરી, ઉભયચરી, કાહલ, દુર્ધરા નામના પાંચ રાજયોગો રચાઈ રહ્યા છે. જે શુક્ર, બુધ, ચંદ્ર અને ગુરુની સ્થિતિથી બનશે. જ્યોતિષમાં ગજકેસરી યોગને સન્માન અને લાભ આપનાર માનવામાં આવે છે. હર્ષ યોગ ધન લાભ, મિલકત અને પ્રતિષ્ઠામાં વધારો કરે છે. કાહલ, યોગ સ્થિરતા અને સફળતા આપે છે. સાથે જ ઉભયચારી યોગથી આર્થિક સમૃદ્ધિ વધે છે. દુર્ધારા યોગથી શાંતિ અને શુભતા વધે છે.
રવિવારે સવારે ચતુર્દશી, બપોરે 2.30 પછી અમાસ
અમાસ તિથિ બપોરે 2.30 વાગ્યા પછી શરૂ થશે. લક્ષ્મી પૂજા અમાવસ્યાની રાત્રે જ કરવામાં આવે છે, તેથી દિવાળીની પૂજા 12 તારીખે જ કરવામાં આવશે. મોટાભાગની પૂજાનો શુભ સમય બપોરે 3 વાગ્યાથી જ રહેશે. અમાસ સોમવારે બપોરે 3 વાગ્યા સુધી ચાલશે, તેથી સોમવતી અમાસ પણ બીજા દિવસે સોમવારે ઊજવવામાં આવશે. અમાસ સ્નાન, દાન વગેરે સોમવારે જ થશે.
અમાસ બે દિવસ ચાલે છે, પણ દિવાળી 12 તારીખે જ શા માટે?
અમાસ રવિવાર અને સોમવાર બંને દિવસે હશે, પરંતુ દિવાળી 12 તારીખે ઊજવવામાં આવશે. રવિવારે રાત્રે અમાવસ્યા હોવાથી આ તિથિએ લક્ષ્મીપૂજન કરવામાં આવશે. સોમવારે અમાવસ્યા દિવસ દરમિયાન જ પૂર્ણ થશે.
શાસ્ત્રોમાં ઉલ્લેખ છે કે જે દિવસે પ્રદોષ કાળ દરમિયાન અમાસ હોય તે દિવસે એટલે કે સૂર્યાસ્ત સમયે લક્ષ્મીપૂજા કરવી જોઈએ. આ વાતને ધ્યાનમાં રાખીને જ્યોતિષીઓનું કહેવું છે કે દિવાળી 12 નવેમ્બરે જ ઊજવવી જોઈએ.
જ્યોતિષીય ગણતરીઓ કહે છે કે આગામી દિવાળી સુધી 5 રાશિઓ માટે લાભદાયક સમય રહેશે.
દિવાળી પર ગ્રહોની સ્થિતિને જોતા જ્યોતિષીઓ કહે છે કે મેષ, મિથુન, કન્યા, વૃશ્ચિક અને મકર રાશિ માટે સારો સમય શરૂ થશે. આ પાંચ રાશિના લોકોને આગામી દિવાળી સુધી આર્થિક લાભ અને મોટો લાભ મળવાની સંભાવના છે. આ રાશિના નોકરિયાત લોકો પણ વધારાની આવકના સ્ત્રોત બની શકે છે. આ સિવાય અન્ય રાશિઓ માટે સમય સારો રહેશે.
મેષ: તમે દેવામાંથી મુક્તિ મેળવી શકો છો. જો તમારે લોન લેવી હોય તો તે મળશે અને તે સમયસર ચૂકવવામાં આવશે. વધારાની આવકના સ્ત્રોત બનશે. વેપારમાં લાભ થશે.
મિથુનઃ આ રાશિના નોકરિયાત લોકોને પ્રગતિની તકો મળશે. મિલકત સંબંધિત અટકેલાં કામ પૂરાં થશે. જંગમ મિલકત ખરીદવાની સંભાવના છે.
કન્યા: નોકરી-ધંધામાં નફો વધશે. કામ સમયસર પૂર્ણ થશે. જૂનાં રોકાણોથી ફાયદો થશે અને બાકી રહેલા પૈસા મળવાના ચાન્સ રહેશે.
વૃશ્ચિક: ધન મળવાની સંભાવના છે. શેર માર્કેટ સાથે જોડાયેલા લોકોને મોટો ફાયદો મળી શકે છે. નોકરી-ધંધામાં લાભદાયી યોજનાઓ પર કામ થશે અને સફળતા મળશે.
મકરઃ ભાગ્ય તમારા સાથમાં રહેશે. દૈનિક આવક વધી શકે છે. નોકરી કરતા લોકોને મોટી જવાબદારી અને લાભ મળી શકે છે. આકસ્મિક આર્થિક લાભ થવાની સંભાવના પણ રહેશે.
