૮ માર્ચ એટલે આંતરરાષ્ટ્રીય મહિલા દિવસ નિમિત્તે નડિયાદ શહેરમાં દિવસના આગળના દિવસે સમાજમાં સારી કામગીરી કરતી મહિલાઓને શોધી બહુમાન કરાયું છે, અંદાજીત 40 જેટલી મહિલાઓનું બહુમાન કરવામાં આવ્યું હતું.
આ અંગે વિગતવાર જોઈએ તો, નડિયાદ શહેરની સામજિક સંસ્થા એવી અસ્મિતા અભિવાદન સમિતિ દ્વારા શહેરના પીજ ભાગોળ ખાતે આવેલ કન્યા વ્યાયામ શાળામાં આ ખાસ કાર્યક્રમ યોજાયો હતો, જેમાં શહેરના વિવિધ સંસ્થાઓના આગેવાનો હાજર રહ્યા હતા. આ બહુમાનના વિશિષ્ટ કાર્યક્રમમાં સમાજમાં વિવિધ ક્ષેત્રોમાં કાર્ય કરી રહેલી મહિલાઓના આત્મબળ વધે તે માટે આ સન્માન કરાયું હતું. આ ઉપરાંત સમાજના ઉત્થાન માટે અને જાહેર જીવન સાથે સંકળાયેલી તેમજ જીવનમાં સતત સંઘર્ષ કરી રહેલી મહિલાઓને નવાજવામાં આવી હતી.
