ખેડા તાલુકા સેવા સદન ખાતે આજે રાજ્યના મુખ્યમંત્રીએ સરપ્રાઈઝ વિઝીટ કરતા ખળભળાટ મચી ગયો છે, ઓચિંતી મુલાકાતથી પોલીસ અને જિલ્લા વહીવટી તંત્ર ખેડા ખાતે દોડતું થયુ હતું, સરપ્રાઈઝ વિઝીટમા બંધ બારણે બેઠક પણ કરાઈ હોવાનું જાણવા મળી રહ્યું છે, જોકે કયા વિષયને લઈને આ બેઠક કરાઈ તે જાણવા નથી મળ્યું.
ગુજરાતના સીએમ ભુપેન્દ્ર પટેલ આજે શુક્રવારે આણંદ જિલ્લાના સારસા ખાતે સરકારી કાર્યક્રમમાં હાજરી આપી હતી, જે કાર્યક્રમ પૂર્ણ કરી ખેડા જિલ્લાની આકસ્મિક મૂલાકાતે આવી પહોંચ્યા હતા, ખેડા ખાતે આવેલ તાલુકા સેવા સદન જેમાં મામલતદાર કચેરી અને પ્રાંત કચેરી ખાતે પહોંચી ઓચિંતી મુલાકાત પહોંચતા જિલ્લા કલેકટર અમીતપ્રકાશ યાદવ અને જિલ્લા પોલીસ વડા રાજેશ ગઢીયા સહિત અધિકારીઓ નડિયાદથી ખેડા તુરંત આવી પહોંચ્યા હતા.
