કેન્દ્રશાસિત પ્રદેશ લદ્દાખથી એક ગોઝારી ઘટનાના સમાચાર સામે આવ્યા છે. વિગતો મુજબ લદ્દાખમાં ભારતીય સેનાના જવાનો સાથે મોટો અકસ્માત થયો છે. લદ્દાખના દૌલત બેગ ઓલ્ડી વિસ્તારમાં સેનાના જવાનો નદીને ટેન્ક ક્રોસ કરવાની પ્રેક્ટિસ કરી રહ્યા હતા. આ દરમિયાન નદીનું પાણીનું સ્તર અચાનક વધી ગયું હતું જેના કારણે સેનાના પાંચ જવાનો તણાઇ ગયા હતા. ભારતીય સેનાના જવાનો સાથેની આ દુર્ઘટના ચીનની સરહદ એટલે કે વાસ્તવિક નિયંત્રણ રેખા (LAC) પાસે થઈ હતી. દૌલત બેગ ઓલ્ડી કારાકોરમ રેન્જમાં આવેલું છે જ્યાં આર્મી બેઝ છે. આ તરફ હવે સામે આવ્યું છે કે, નદીમાં તણાઇ ગયેલ પાંચેય જવાન શહીદ થયા છે.
અધિકારીઓએ જણાવ્યું છે કે, લદ્દાખમાં વાસ્તવિક નિયંત્રણ રેખા (LAC) પાસે અચાનક આવેલા પૂરમાં સેનાના પાંચ જવાનો તણાઇ ગયા છે. આર્મી ટેન્ક નદીના એક ઊંડા ભાગને પાર કરી રહી હતી ત્યારે તે ત્યાં ફસાઈ ગઈ હતી. આ દરમિયાન પાણીનું સ્તર અચાનક વધી જવાને કારણે તે પાણીથી ભરાઈ ગયું જેના કારણે સૈનિકો ધોવાઈ ગયા. અત્યાર સુધી સર્ચ ઓપરેશન ચાલુ હતું. જોકે હવે સમાચાર સામે આવી રહ્યા છે કે, આ પાંચેય જવાન શહીદ થયા છે.
સંરક્ષણ અધિકારીઓએ જણાવ્યું કે, દુર્ઘટના સમયે ટેન્કમાં સેનાના 5 જવાન હાજર હતા. જેમાં એક JCO અને 4 સૈનિકોનો સમાવેશ થાય છે. 1 જવાનને શોધી કાઢવામાં આવ્યો છે જ્યારે બાકીના 4ની શોધ ચાલુ છે. જોકે હવે સામે આવ્યું છે કે, આ પાંચ જવાન શહીદ થયા છે. દૌલત બેગ ઓલ્ડીમાં જે ટેન્કનો અકસ્માત થયો હતો તે ભારતીય સેનાની T-72 ટેન્ક હતી. ભારત પાસે 2400 T-72 ટેન્ક છે. ભારતીય સેના લાંબા સમયથી આ ટેન્કોનો ઉપયોગ કરી રહી છે. દુર્ઘટના સમયે અન્ય ઘણી ટેન્ક પણ ત્યાં હાજર હતી.
સંરક્ષણ અધિકારીના જણાવ્યા અનુસાર, રાત્રે લગભગ 3 વાગે અહીં ટેન્ક એક્સરસાઇઝ દરમિયાન નદી પાર કરતી વખતે નદીનું પાણીનું સ્તર અચાનક વધી ગયું હતું જેના કારણે સેનાના જવાનો ફસાઈ ગયા હતા. આ અકસ્માતમાં સેનાના પાંચ જવાન શહીદ થયા છે દૌલત બેગ ઓલ્ડીમાં રાત્રે ટેન્ક પ્રેક્ટિસ ચાલી રહી હતી અને અહીં સેનાની ઘણી ટેન્ક હાજર હતી.
આ સમય દરમિયાન વાસ્તવિક નિયંત્રણ રેખા (LAC) નજીક T-72 ટેન્ક દ્વારા રાત્રે નદી કેવી રીતે પાર કરવી તેની પ્રેક્ટિસ ચાલી રહી હતી. સૈન્ય અધિકારીના જણાવ્યા અનુસાર,’દૌલત બેગ ઓલ્ડી વિસ્તારમાં રિવર ક્રોસિંગ પ્રેક્ટિસ દરમિયાન ગઈકાલે સાંજે થયેલા અકસ્માતમાં એક JCO અને ચાર સૈનિકો સહિત પાંચ ભારતીય સૈનિકો શહીદ થયા હતા. પાંચેય મૃતદેહો મળી આવ્યા છે.
રાજનાથ સિંહે વ્યક્ત કર્યો શોક
રક્ષા મંત્રી રાજનાથ સિંહે પણ દુર્ઘટના પર શોક વ્યક્ત કર્યો છે. રાજનાથ સિંહે લખ્યું, લદ્દાખમાં નદી પાર કરતી વખતે દુર્ભાગ્યપૂર્ણ દુર્ઘટનામાં ભારતીય સેનાના પાંચ બહાદુર જવાનોના જીવ ગુમાવવાથી હું ખૂબ જ દુઃખી છું. દેશ માટે આપણા બહાદુર સૈનિકોની અનુકરણીય સેવાને આપણે ક્યારેય ભૂલીશું નહીં. શોકગ્રસ્ત પરિવારો પ્રત્યે મારી હૃદયપૂર્વકની સંવેદના. આ દુખની ઘડીમાં આખો દેશ તેમની સાથે છે.
