ખેડા જિલ્લામાં શ્રાવણીયા જુગાર રમાઈ રહ્યો છે, ત્યારે ખેડા જિલ્લા પોલીસ તેની ઉપર નજર રાખી રહી છે. આ સાથે ચકલાસી ગામેથી ચકલાસી પોલીસે રહેણાંક મકાનમાં ચાલતું જુગારધામ ઝડપી લીધું છે અને જુગાર રમતા કુલ 26 જુગારીઓને પકડી કાયદેસરની કાર્યવાહી હાથ ધરી છે. આ બનાવમાં પોલીસે કુલ રૂપિયા 1.23 લાખનો મુદ્દામાલ જપ્ત કર્યો છે.
ચકલાસી પોલીસે બાતમીના આધારે ગતરાત્રે ચકલાસી ગામના ચાવડાવાડ વિસ્તારમાં આવેલ ફતા ભીખા ચુનારાના મકાનમાં દરોડો પાડયો હતો. પોલીસને પાક્કી બાતમી હતી કે, ભીખા ચુનારા ઉપરોક્ત ઠેકાણે આવેલ તેના મકાનમાં બહારથી માણસો બોલાવી જુગારનો અડ્ડો ચલાવી રહ્યો છે. આથી પોલીસે આ શંકાના આધારે રેઈડ પાડી હતી. જ્યાંથી 26 જુગારીયાઓ જુગાર રમતા પોલીસના હાથે ઝડપાઇ ગયા હતા.
