દેશનું સામાન્ય બજેટ (યુનિયન બજેટ 2025) આવતીકાલે આવવાનું છે અને તેના એક દિવસ પહેલા શેરબજારમાં હરિયાળી જોવા મળી છે. શુક્રવારે બોમ્બે સ્ટોક એક્સચેન્જનો 30 શેરનો સેન્સેક્સ ગ્રીન ઝોનમાં ખુલ્યો અને થોડીવારમાં જ 180 પોઈન્ટ વધી ગયો. નેશનલ સ્ટોક એક્સચેન્જનો નિફ્ટી-50 પણ વધારા સાથે લીલા નિશાન પર ખુલ્યો. ટાઇટનથી લઈને ઇન્ફોસિસ સુધી, શરૂઆતના કારોબારમાં શેરોમાં તેજી જોવા મળી.
ગ્રીન ઝોનમાં થઈ શરૂઆત
શેરબજારમાં શુક્રવારે કારોબારની શરૂઆત લીલા નિશાન પર થઈ. બીએસઈ સેન્સેક્સ તેના અગાઉના બંધ 76759ની સરખામણીમાં ઉછળીને 76,888.89 પર ખુલ્યો અને થોડીવારમાં જ તે 76,947.92 ના સ્તરે ટ્રેડ થતો જોવા મળ્યો. નિફ્ટીમાં પણ સેન્સેક્સની જેમ જ તેજી જોવા મળી. નિફ્ટી તેના અગાઉના બંધ 23,249.50 થી વધીને 23,296.75 પર ખૂલ્યો અને 23,316.80 પર પહોંચી ગયો
માર્કેટ ખૂલતાની સાથે જ આ 10 શેરમાં તેજી
શુક્રવારે શેરબજારમાં ટ્રેડિંગ શરૂ થતાં જ, લાર્જ કેપમાં સામેલ L&T શેર (4.70%), ટાઇટન શેર (2.80%), મારુતિ શેર (1.90%), ઇન્ફોસિસ શેર (1.50%)માં તેજી જોવા મળી, જ્યારે મિડ કેપમાં સામેલ કલ્યાણ જ્વેલર્સ શેર (6.73%), સુઝલોન શેર (3.80%), બાયોકોન (3.20%) અને ફોનિક્સ શેર (3.05%) ઉછાળા સાથે ટ્રેડ થઈ રહ્યા છે. આ ઉપરાંત, સ્મોલ કેપ કંપનીઓમાં, ગુલપોલી શેર 19.88% અને પાવર ઇન્ડિયા શેર (11.29%) ના વધારા સાથે ટ્રેડ થઈ રહ્યો છે.
છેલ્લા ટ્રેડિંગ દિવસે, ગુરુવારે, શેરબજારમાં બંને સૂચકાંકોએ અલગ વલણ દર્શાવ્યું હતું અને સેન્સેક્સ અને નિફ્ટી ક્યારેક ગ્રીન ઝોનમાં તો ક્યારેક રેડ ઝોનમાં ટ્રેડિંગ કરતા જોવા મળ્યા હતા. જોકે, અંતે, સેન્સેક્સ 76,598.84 પર ખુલ્યા બાદ, બજાર બજાર બંધ થવા સમયે 226.85 પોઈન્ટની તેજી સાથે 76,759.81 પર બંધ થયું. જ્યારે નિફ્ટી 23,163 પર ખુલ્યા પછી 23,249.50 પર બંધ થયું.
