ભારત સરકારે ડિફેન્સ સેક્ટરને વધુ મજબૂત બનાવતાં ફ્રાન્સ પાસેથી 26 નવા રાફેલ M (મરીન) ફાઈટર જેટ્સ ખરીદવાની ડીલ પૂર્ણ કરવા સહમતિ આપી છે. કેન્દ્ર અને ફ્રાન્સ સરકાર રૂ. 63000 કરોડમાં આ સોદાને અંતિમ રૂપ આપવાના છે. આ ડીલથી ભારતીય નેવીને 22 સિંગલ સીટર અને ચાર ટ્વિન સીટર એરક્રાફ્ટ મળશે.
ભારત અને ફ્રાન્સ વચ્ચે આ મહિનાના અંત સુધીમાં ડીલ પ્રક્રિયા પૂર્ણ થશે. ફ્રાન્સના રક્ષા મંત્રી સબાસ્ટિયન લેકોર્નૂ આ મહિનાના અંતમાં ભારતની મુલાકાતે છે. તે સમયે આ ડીલ પર હસ્તાક્ષર કરવામાં આવશે. જેમાં ફ્રાન્સ ભારતને 26 રાફેલ લડાકૂ વિમાન સોંપશે. આ વિમાનને સ્વદેશી રૂપે નિર્મિત એરક્રાફ્ટ કેરિયર INS વિક્રાંતના ડેકમાં સામેલ કરાશે. જેની ડિલિવરી કોન્ટ્રાક્ટ પર હસ્તાક્ષર થયાના 27થી 65 મહિનામાં થવાનો અંદાજ છે.
India clears mega deal to buy 26 Rafale Marine fighter aircraft from France. The government-to-government deal worth over Rs 63,000 crore will be signed soon. Indian Navy will get 22 single-seater and four twin-seater aircraft as part of the deal: Government Sources pic.twitter.com/g3Ef3snrbn
— ANI (@ANI) April 9, 2025
આ રાફેલ-એમ ફાઈટર જેટ ભારતીય નૌસેનાની તાકાતમાં વધારો કરશે. ઈન્ડિયન ઓશન રિઝન પર ચીનની વધી રહેલી હિલચાલ વચ્ચે આ ડીલ અત્યંત મહત્ત્વની છે.
