વડાપ્રધાન નરેન્દ્ર મોદી 27મી તારીખે ગુજરાતના પ્રવાસે આવે તેવી શક્યતા, રેલવે વર્કશોપનું કરશે ઉદ્ધાટન

દાહોદના જિલ્લા કલેક્ટર યોગેશ નીરગુડે આજે વર્કશોપમાં આવ્યા હતા. સાથે જ તેમણે અધિકારીઓ સાથે મીટિંગ પણ કરી હતી અને વર્કશોપનું નિરીક્ષણ કર્યું હતું. જો પીએમ મોદી અહીંયા 27 તારીખે આવ્યા તો દાહોદ શહેરના સ્માર્ટસિટી અંતર્ગત કામગીરી પૂર્ણ થયેલ કામોનું પણ તેઓ લોકાર્પણ કરી શકે છે. બીજી તરફ કેન્દ્રીય રક્ષામંત્રી રાજનાથ સિંહ ઓપરેશન સિંદૂરના સફળ પરિણામ બાદ આજથી બે દિવસ માટે ગુજરાતમાં છે. તેમણે આજે ભુજ એરબેઝ પર આગમન કરીને તેમણે જવાનો સાથે સંબોધન કર્યુ છે. રાજનાથ સિંહે આ પ્રવાસ દરમિયાન કચ્છની ભારત-પાકિસ્તાન સરહદે જઈને ભારતીય સેનાના જવાનોનું મનોબળ વધારશે અને સુરક્ષાની પરિસ્થિતિની સમીક્ષા કરશે. રાજનાથ સિંહે જવાનોને સંબોધનમાં જણાવ્યુ કે, ભારતની શાંતિને ભંગ કરનારને છોડવામાં નહીં આવે.