વડાપ્રધાન નરેન્દ્ર મોદીએ શુક્રવારે તમિલનાડુના કન્યાકુમારીમાં જાહેરસભા સંબોધી હતી. PMએ કહ્યું- દેશના આ દક્ષિણ ભાગમાં કન્યાકુમારીથી આજે જે લહેર ઉઠી છે તે ખૂબ દુર સુધી જવાની છે. હું 1991માં એકતા યાત્રા લઈને કન્યાકુમારીથી કાશ્મીર ગયો હતો, આ વખતે હું કાશ્મીરથી કન્યાકુમારી આવ્યો છું.
મોદીએ વધુમાં કહ્યું- જમ્મુ-કાશ્મીરના લોકોએ દેશના ભાગલા પાડવાનું સ્વપ્ન જોનારાઓને નકારી દીધા છે. હવે તમિલનાડુના લોકો પણ આવું કરવા જઈ રહ્યા છે. હું તમિલનાડુની ધરતી પર મોટા પરિવર્તન જોઈ રહ્યો છું. આ વખતે તમિલનાડુમાં ભાજપનું પ્રદર્શન ડીએમકે અને કોંગ્રેસના INDI ગઠબંધનનું બધુ અભિમાન ઉતારી દેશે.
INDI ગઠબંધનના લોકોનો ઇતિહાસ કૌભાંડોથી ભરેલો છે
INDIનું ગઠબંધન ક્યારેય તમિલનાડુને વિકસિત નહીં કરી શકે. આ લોકોનો ઇતિહાસ કૌભાંડોથી ભરેલો છે. આ લોકોની રાજનીતિનો આધાર પ્રજાને લૂંટવા માટે સત્તામાં આવવાનો છે. એક તરફ ભાજપની કલ્યાણકારી યોજનાઓ છે તો બીજી તરફ કરોડોના કૌભાંડો છે.
PMએ કહ્યું- અમે ઓપ્ટિકલ ફાઈબર અને 5G આપ્યું, અમારા નામે ડિજિટલ ઈન્ડિયા સ્કીમ છે. INDI ગઠબંધનના નામે લાખો કરોડોનું 2જી કૌભાંડ છે અને એ લૂંટમાં ડીએમકે સૌથી મોટું ભાગીદીર હતું. અમારા નામે UDAN સ્કીમ છે. ઈન્ડી ગઠબંધનના નામે હેલિકોપ્ટર કૌભાંડ છે. અમારી ખેલો ઇન્ડિયા અને TOPS યોજનાઓથી, દેશે રમતગમતમાં મોટા લક્ષ્યાંક મેળવ્યા છે, પરંતુ તેમનું નામ CWG કૌભાંડથી કલંકિત છે.
અટલજીએ નોર્થ-સાઉથ કોરિડોરનો પાયો નાખ્યો હતો
મોદીએ કહ્યું- કન્યાકુમારીએ હંમેશા ભાજપને ઘણો પ્રેમ આપ્યો છે. અટલજીએ 20 વર્ષ પહેલા નોર્થ સાઉથ કોરિડોરનો પાયો નાખ્યો હતો. આ કોરિડોરનો કન્યાકુમારી-નારીકુલમ બ્રિજનું કામ આ લોકોએ આટલા વર્ષો સુધી લટકાવી રાખ્યું. 2014માં અમારી સરકાર આવી ત્યારે અમે તેને પૂર્ણ કર્યું હતું. આ માટે અમારે વધારાનું ભંડોળ પૂરું પાડવું પડ્યું અને પછી આ કામ શરૂ થઈ શક્યું.
મેં હાલમાં થૂથુકુડીમાં ચિદમ્બરનાર પોર્ટનું ઉદ્ઘાટન કર્યું છે. અમારી સરકાર માછીમારોના કલ્યાણ માટે પણ કામ કરી રહી છે. તેમને આધુનિક માછીમારી બોટ માટે નાણાકીય સહાય પૂરી પાડવાથી લઈને તેમને કિસાન ક્રેડિટ કાર્ડ યોજનાના દાયરામાં લાવવા માટે અમે તેમની જરૂરિયાતોનું ધ્યાન રાખ્યું છે.
DMK તમિલનાડુના ભૂતકાળ અને વારસાની પણ દુશ્મન છે.
મોદીએ કહ્યું- DMK માત્ર તમિલનાડુના ભવિષ્ય અને ભૂતકાળની જ નહીં પરંતુ તેની વારસાની પણ દુશ્મન છે. હું અયોધ્યામાં રામ મંદિર પ્રાણ પ્રતિષ્ઠા કાર્યક્રમ પહેલા અહીં આવ્યો હતો, મેં અહીંના પ્રાચીન તીર્થ સ્થાનોની મુલાકાત લઈને દર્શન કર્યા હતા, પરંતુ DMKએ અયોધ્યામાં સમારોહ જોવા માટે પણ પ્રતિબંધિત કરવાનો પ્રયાસ કર્યો હતો. સુપ્રીમ કોર્ટે તમિલનાડુ સરકારને સખત ઠપકો આપવો પડ્યો હતો.
શ્રીલંકાથી માછીમારોને ફાંસીના માંચડેથી ઉતારીને ભારત લાવ્યા
મોદીએ કહ્યું- INDI ગઠબંધન પણ તમિલનાડુના લોકોના જીવન સાથે રમત રમવા માટેના ગુનેગાર છે. શ્રીલંકામાં આપણા માછીમાર ભાઈઓને ફાંસીની સજા આપવામાં આવી, પણ મોદી ચૂપ ન રહ્યા.
મેં દરેક રસ્તાનો ઉપયોગ કર્યો અને દરેક પ્રકારનું દબાણ કર્યું અને તમામ માછીમારોને માંચડેથી ઉતારીને શ્રીલંકાના હું ભારત પરત લાવ્યો.
દિલ્હીમાં બેઠેલા લોકોની ઊંઘ બગડી રહી છે કારણ કે આ અવાજ કન્યાકુમારીથી આવી રહ્યો છે. તમારો પ્રેમ અને આશીર્વાદ માત્ર મને જ નહીં પરંતુ સમગ્ર દેશની ઉર્જાને નવી શક્તિ આપે છે.
પરિવારવાદ પર નિશાન સાધ્યું હતું
PM મોદીએ સંગારેડ્ડીમાં ભત્રીજાવાદને લઈને વિપક્ષ પર નિશાન સાધ્યું હતું. તેમણે કહ્યું હતું- શું તમે જાણો છો કે આ લોકો મારી સાથે કેમ દુર્વ્યવહાર કરી રહ્યા છે? આ મોદી તેમની આંખમાં શા માટે કણાની જેમ ખુંચે છે? કારણ છે – હું તેમના કરોડોના કૌભાંડોનો પર્દાફાશ કરી રહ્યો છું.
PMએ કહ્યું- હું તેમના પરિવારવાદ સામે બોલી રહ્યો છું. કોઈ અંગત આક્ષેપો કર્યા નથી. તે લોકો મારી વાતનો જવાબ નથી આપતા, તેઓ કહેવા લાગ્યા છે કે મોદીનો પરિવાર નથી. જો મારો પરિવાર હોય, તો શું તમને ચોરી કરવાની અને સત્તા પર કબજો કરવાની છૂટ છે?
મોદીએ કહ્યું- સત્તામાં રહીને વિપક્ષના લોકોએ ભ્રષ્ટાચાર માટે જમીન-આકાશ વેચી દીધા અને પોતાની હવેલીઓ બનાવી. મેં આજ સુધી મારું ઘર પણ બનાવ્યું નથી. જ્યારે હું ગુજરાતનો મુખ્યમંત્રી હતો અને હવે દેશનો વડાપ્રધાન છું ત્યારે મેં 150 કરોડ રૂપિયાની ભેટની હરાજી કરીને તે કરમનો ઉપયોગ જનતાની સેવામાં કર્યો હતો.
તેલંગાણાના સીએમ પીએમને મોટા ભાઈ કહે છે
તેલંગાણાના સીએમ રેવંત રેડ્ડીએ 5 માર્ચે પીએમ નરેન્દ્ર મોદીને મોટા ભાઈ તરીકે બોલાવ્યા હતા. આમ કહીને રેવંતે સ્પષ્ટ કરી દીધું હતું કે તે કેન્દ્ર સાથે તણાવ નહીં, પરંતુ સૌહાર્દપૂર્ણ સંબંધો ઈચ્છે છે. રેડ્ડીએ એમ પણ કહ્યું કે અમને પીએમનું સમર્થન જોઈએ છે, જેથી તેલંગાણા પણ ગુજરાતની જેમ વિકાસ કરી શકે.
