હિમાચલ પ્રદેશના કુલ્લુ જિલ્લાની સૈંજ ખીણમાં મંગળવારથી શરૂ થયેલા અનરાધાર વરસાદના કારણે સ્થાનીક વિસ્તારમાં હાહાકાર મચી ગયો છે. પ્રકૃતિએ ગંભીર રૂપ ધારણ કરતાં અફરાતફરીનો માહોલ સર્જાયો છે. કેટલાંક સ્થાનિક રહેવાસીઓના જણાવ્યા અનુસાર, અહીં આભ ફાટ્યા જેવી પરિસ્થિતિ સર્જાઈ, જેમાં બહુજ ઓછા સમયમાં ભારે વરસાદ પડ્યો. પાર્વતી નદી ગાંડીતૂર બની ગઈ છે અને તેનો પ્રવાહ ખૂબ જ જોખમકારક બની ગયો છે. હાલે સ્થિતિને ધ્યાને લઇને પ્રશાસને સૈંજ ખીણ અને આસપાસના વિસ્તારોમાં હાઈ એલર્ટ જાહેર કર્યો છે.
પ્રશાસનના જણાવ્યા અનુસાર અત્યારસુધી કોઈ જાનહાનીનો અહેવાલ નથી, પણ ભારે વરસાદને કારણે આશરે 20થી 25 વાહનોને નુકસાન થયું છે. રસ્તાઓ પર ભૂસ્ખલન (landslide) તેમજ વૃક્ષો ધરાશાયી થવાના બનાવો અનેક વિસ્તારોમાં નોંધાયા છે, જેના કારણે ટ્રાફિક અવરજવર સ્થગિત થઇ છે અને જનજીવન પર ગંભીર અસર પડી છે. ઝાક્રી વિસ્તારમાં હિન્દુસ્તાન-તિબેટ નેશનલ હાઈવે 5 પર ભારે ભૂસ્ખલનની ઘટના નોંધાઈ છે, જેને કારણે રસ્તા જામ થઈ ગયા છે.
हिमाचल प्रदेश के कुल्लू जिले की सैंज घाटी के पहाड़ों में बादल फटने से फ्लैश फ्लड आया है.
जिसके बाद जीवा नाले में बाढ़ आ गई है.
देखें वीडियो#HimachalPradesh | #Kullu |#FlashFlood | pic.twitter.com/bSjCurCFWA
— One India News (@oneindianewscom) June 25, 2025
સતલુજ નદીમાં પણ પાણીની સપાટી નોંધપાત્ર રીતે વધી છે અને પૂરની સ્થિતિ સર્જાઈ છે. નીચાણવાળા વિસ્તારોમાં પાણી ઘૂસી જતાં પરિવહન વ્યવસ્થાઓ બિઘડી છે અને લોકોને ઊંચા વિસ્તારોમાં સ્થળાંતર કરવાની સલાહ આપવામાં આવી છે. નિર્મંદના SDM મનમોહનસિંહે પણ પુષ્ટિ કરી છે કે ભારે વરસાદને કારણે પૂર જેવી પરિસ્થિતિ સર્જાઈ છે, જો કે હજુ સુધી કોઈ મૃત્યુની પૃષ્ટિ થઈ નથી.
#WATCH | Himachal Pradesh: Anni MLA Lokender Kumar says "Due to heavy rain here along with hailstorm, a cloud burst took place last evening. 5-6 cars have been swept away, and around 24-25 cars are damaged. People are facing a lot of difficulties here…" https://t.co/dK0QsXVNHO pic.twitter.com/QSER8Rx4op
— ANI (@ANI) May 25, 2025
હવામાન વિભાગે આગાહી આપી છે કે આગામી 24 કલાક દરમિયાન હળવાથી મધ્યમ વરસાદ વરસી શકે છે. લોકોને નદી કે તળાવના કિનારે જવા નહીં જવાની, તેમજ આધિકારિક સૂચનાઓનું પાલન કરવાની અપીલ કરવામાં આવી છે. તમામ કાયમી અને તાત્કાલિક તંત્રો એલર્ટ પર છે અને રાહત અને બચાવ કામગીરી માટે તૈયાર રાખવામાં આવ્યા છે.
सैंज के जीवा नाले में बादल फटने से बड़ा फ्लैश फ्लड नाले में आया।।
बहुत भयंकर स्थिति ।।#Kullu #HimachalPradesh pic.twitter.com/SUnIW3GxDD
— Gems of Himachal (@GemsHimachal) June 25, 2025
આ ઘટના હિમાલય પર્વતીય વિસ્તારોમાં ભારે વરસાદ અને અચાનક બદલાતી પ્રાકૃતિક સ્થિતિ સામે કેટલાંય વિસ્તારો કેટલાં નાજુક બનેલા છે તેની ગંભીર તાકિદ આપે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
