નડીયાદ ભારતીય જનતા પાર્ટીના સ્થાપના દિવસની દેશભરમાં ઉજવણી કરાઇ હતી ત્યારે નડિયાદ સ્થિત ખેડા જિલ્લા ભાજપ કાર્યાલયમાં પણ જિલ્લા ભાજપના પ્રમુખના અધ્યક્ષસ્થાને ઉજવણીનો કાર્યક્રમ યોજાયો. ખેડા જિલ્લા ભાજપ કાર્યાલય પર પાર્ટીનો ધ્વજ ફરકાવાયો હતો.
આ પ્રસંગે ગુજરાત પ્રદેશ ભાજપ મંત્રી, ખેડા જિલ્લા ભાજપ સંગઠનના મહામંત્રી, પાર્ટી ના કાર્યકર્તાઓ વગેરે ઉપસ્થિત રહ્યા હતા.
ખેડા જિલ્લા ભાજપ પ્રમુખ એ જણાવ્યું હતું કે ભારતીય જનતા પાર્ટીએ તેના ઉદભાવથી લઈને સત્તા સુધી પહોંચવા ખૂબ જ સંઘર્ષ કર્યો છે. આ વખતે પાર્ટીના સ્થાપનાદિન અવસરે લોકસભાની ચૂંટણીનો અવસર છે ત્યારે બૂથ અને પેજ કમિટીના સભ્યો સુધી સહુ આ ઉજવણીમાં જોડાયા છે અને લોકસભાની ચૂંટણીમાં વડાપ્રધાન નરેન્દ્રભાઈ મોદીના 400 પાર ના આંકડાને સફળ બનાવવા સહુને ભાજપ તરફી મતદાન કરવા અપીલ કરી હતી.
