નડિયાદ સંતરામ રોડ પર કારમાં સ્ટંટ કરી રહેલાનો વિડીયો સોશિયલ મીડિયામાં વાયરલ થતાં જ એક્શનમાં આવેલી પોલીસે સીસીટીવી ફુટેજ મેળવીને તેના આધારે તપાસ હાથ ધરીને બે શખ્સોને ઝડપી પાડીને તેમના વિરૂદ્ઘ ગુનો દાખલ કરીને કાર્યાવાહી હાથ ધરવામાં આવી છે.
આ ઘટનામાં પોલીસે વિડીયોના આધારે તેમજ નેત્રમના સીસીટીવી ફૂટેજ મેળવી કાર ચાલકના માલિક અને જોખમી સ્ટંટ કરનારની ભાળ મેળવવા પોલીસે તપાસ હાથ ધરી છે. જેમાં પોલીસને આઈ-૨૦ કારની નંબર પ્લેટ જીજે-૦૭, ડીસી-૪૪૫૯ની ઉપર ઘંઘોર પરિવાર લખેલ મળી આવ્યું હતુ. પોલીસે તપાસ હાથ ઘરીને કારના ચાલક જયદિપ તુષારભાઈ સોજીત્રા (રહે. ૪ ઈલેવન સોસાયટી, પીજ રોડ નડિયાદ) તથા કારના કાચમાંથી બહાર સ્ટંટ કરનાર યશ મનીષભાઈ પંડયા (રહે. મજમુદારની પોળ, સમડી ચકલા નડિયાદ)ને ઝડપી પાડીને તેમના વિરૂધ્ધ ગુનો દાખલ કર્યો હતો.
