ભારતીય ક્રિકેટ ટીમને તેનો પહેલો વર્લ્ડ કપ અપાવનાર પૂર્વ કેપ્ટન પોતાના નિવેદનોને લઈને ચર્ચામાં રહે છે. તે સતત અલગ-અલગ બાબતો પર ટીમ ઈન્ડિયાને ઘેરી રહ્યા છે અને BCCIને પ્રશ્નો પૂછી રહ્યા છે. કપિલે ભારતીય ખેલાડીઓની પ્રતિબદ્ધતા પર સવાલ ઉઠાવ્યા હતા જ્યારે મુખ્ય ખેલાડીઓની ઈજાને કારણે મોટી ટુર્નામેન્ટમાં ટીમના પ્રદર્શનને અસર થઈ હતી. તેમણે કહ્યું કે ખેલાડીઓને નાની ઈજાઓ સાથે IPL રમવામાં કોઈ વાંધો નથી, પરંતુ જ્યારે રાષ્ટ્રીય ટીમ માટે આવું કરવાની વાત આવે છે ત્યારે તેઓ બહાર બેસવાનું પસંદ કરે છે.
કપિલ દેવે બુમરાહ પર ઉઠાવ્યા સવાલ
કપિલ દેવે એક ઈન્ટરવ્યુમાં લગભગ એક વર્ષથી ભારતીય ટીમમાંથી બહાર રહેલા ફાસ્ટ બોલર જસપ્રીત બુમરાહની હાલત પર સવાલ ઉઠાવ્યા હતા. વનડે વર્લ્ડ કપ ઓક્ટોબર-નવેમ્બરમાં યોજાવાનો છે. આવી સ્થિતિમાં કપિલ દેવને લાગે છે કે જો બુમરાહ આ ટૂર્નામેન્ટ માટે ઠીક ન થયો તો તે સમયનો વ્યય થશે. તેમણે કહ્યું, “બુમરાહને શું થયું? તેણે ખૂબ જ આત્મવિશ્વાસ સાથે શરૂઆત કરી, પરંતુ જો તે વર્લ્ડ કપ સેમિફાઇનલ અને ફાઇનલમાં ન હોય તો અમે તેના પર સમય બગાડ્યો. રિષભ પંત એક શાનદાર ક્રિકેટર છે. જો તે ત્યાં હોત તો અમારું ટેસ્ટ ક્રિકેટ વધુ સારું હોત.
નાની ઈજા સાથે IPL રમી શકો છો પરંતુ ભારત માટે નહી?
કપિલ દેવ માને છે કે IPL એક અદ્ભુત વસ્તુ છે પરંતુ ખેલાડીઓ T20 લીગને તેમની આંતરરાષ્ટ્રીય પ્રતિબદ્ધતાઓથી ઉપર મૂકતા જોઈને ખુશ નથી. તેમણે કહ્યું, “એવું નથી કે મને ક્યારેય ઈજા નથી થઈ પરંતુ આજે તેઓ વર્ષમાં 10 મહિના રમી રહ્યા છે, પરંતુ દરેક વ્યક્તિએ પોતાનું ધ્યાન રાખવું પડશે. IPL સારી વસ્તુ છે પરંતુ તે તમને બગાડી પણ શકે છે. નાની ઈજા સાથે તમે IPL રમો છો, પરંતુ જ્યારે ભારત માટે રમવાની વાત આવે છે, ત્યારે તમે બ્રેક લઈ લો છો.
કપિલ દેવે BCCI પર ઉઠાવ્યા સવાલ
કપિલે દેવે BCCI પર ખેલાડીઓના વર્કલોડના નબળા સંચાલન માટે સવાલ ઉઠાવ્યા છે. તેમણે કહ્યું, “ક્રિકેટ બોર્ડે સમજવું પડશે કે ખેલાડીઓએ કેટલું ક્રિકેટ રમવું જોઈએ. આ મુખ્ય વસ્તુ છે. જો આજે તમારી પાસે સંસાધનો છે, પૈસા છે, પરંતુ તમારી પાસે ત્રણ કે પાંચ વર્ષનું કેલેન્ડર નથી. આવી સ્થિતિમાં ક્રિકેટ બોર્ડમાં કંઈક ગરબડ છે.
