દક્ષિણ ગુજરાતના વલસાડ જિલ્લામાં એક હિંદુ સગીરાના અપહરણનો ગંભીર મામલો સામે આવ્યો છે. ધરમપુર પોલીસ મથકે નોંધાયેલી ફરિયાદમાં પીડિત પિતાએ એક મુસ્લિમ યુવક સામે તેમની નાબાલિક પુત્રીને લગ્નની લાલચ આપીને અપહરણ કરવાનો આરોપ લગાવ્યો છે. પોલીસએ ફરિયાદના આધારે ગુનો દાખલ કરી તપાસ શરૂ કરી છે. મામલો ધરમપુર તાલુકાના એક ગામનો છે, જ્યાં પિતાએ જણાવ્યું કે તેમની 17 વર્ષીય પુત્રી 19 જાન્યુઆરીથી લાપતા છે અને પરિવાર દ્વારા ઘણી શોધખોળ છતાં તેનો કોઈ અત્તો-પત્તો મળી શક્યો નથી. બે દિવસ પહેલા પરિવારને જાણ થઈ હતી કે યુવતી ધરમપુરમાં રહેતા ઉસામા બક્તિયાન નામના યુવકના સંપર્કમાં હતી. આ જાણકારી મળ્યા બાદ પિતા ઉસામાના ઘરે ગયા હતા, પરંતુ ત્યાંથી જાણવા મળ્યું કે ઉસામા પણ પોતાના ઘરે હાજર નથી.
પરિવારે બંનેની શક્ય તેટલી શોધખોળ કર્યા પછી અંતે ધરમપુર પોલીસ મથકનો સંપર્ક કર્યો હતો. પિતાનો આરોપ છે કે ઉસામાએ તેમની પુત્રીને લગ્નની લાલચ આપી અપહરણ કરીને ભગાડી લઈ ગયો છે. પોલીસે આ મામલે ભારતીય ન્યાય સંહિતાની કલમ 137(2) (અપહરણ), કલમ 87 (લગ્નની લાલચ આપીને મહિલાનું અપહરણ) તેમજ SC/ST એક્ટની લાગુ પડતી કલમો હેઠળ ગુનો દાખલ કર્યો છે. કેસની ગંભીરતા જોતા પરિવાર વલસાડ જિલ્લાના નાયબ પોલીસ વડા (DySP)ને પણ મળ્યો હતો અને ઝડપી કાર્યવાહી કરવાની માંગ કરી હતી. આ દરમિયાન પરિવાર સાથે હિંદુ સંગઠનો પણ જોડાયા હતા.
DySPએ મામલાની ગંભીરતા ધ્યાનમાં રાખીને વલસાડ લોકલ ક્રાઇમ બ્રાન્ચ (LCB)ની ટીમોને તપાસમાં જોડીને વિશેષ કામગીરી શરૂ કરાવી છે. હાલ પોલીસ મુખ્ય માર્ગો અને હાઇવે પરના સીસીટીવી ફૂટેજ તપાસી રહી છે, સાથે જ આરોપીના સોશિયલ મીડિયા અકાઉન્ટ્સ અને મોબાઇલ લોકેશન પણ ટ્રેક કરવામાં આવી રહ્યા છે. DySP જે.કે. પટેલે મીડિયા સાથે વાતચીતમાં જણાવ્યું હતું કે પોલીસની પ્રથમ પ્રાથમિકતા સગીરાને શોધી કાઢીને તેને સુરક્ષિત રીતે પરિવારને સોંપવાની છે. તેમણે વધુમાં કહ્યું કે આરોપી સામે ગુનો નોંધાઈ ગયો છે અને તપાસ પૂર્ણ થયા બાદ મજબૂત ચાર્જશીટ દાખલ કરવામાં આવશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
