રાજ્ય સરકારના શાળા પ્રવેશોત્સવ ૨૦૨૫ અને કન્યા કેળવણી મહોત્સવ અંતર્ગત પાટણ જિલ્લાના સિદ્ધપુર તાલુકાના રાજપુરા, કમલીવાડા તથા પાટણ તાલુકાના ખોડિયારપુરા ગામે કેબિનેટ મંત્રી બળવંતસિંહ રાજપૂતના હસ્તે ઉમંગભેર શરૂઆત કરવામાં આવી. શાળાના પટગણમાં વિદ્યા અને વિઝનની ગુંજ સાથે બાળકોના પગલાંએ ભવિષ્યનાં સપનાઓને સ્વર આપ્યો.
આ ઉજવણી માત્ર પ્રવેશની નહોતી, પણ એક નવો સંકલ્પ હતો.
મંત્રીના શાબ્દિક શાસ્ત્રોમાં સ્પષ્ટ સંદેશ હતો “જે ભૂલકા આજે શાળાનું બારણું ખખડાવે છે, એ જ કલના ભારતના ઘડવૈયા બનશે”
મંત્રીએ ઉમેર્યું કે, “સને ૨૦૦૩માં નરેન્દ્રભાઈ મોદી દ્વારા જે પ્રવેશોત્સવની સૌપ્રથમ ચિરપ્રેરક શરૂઆત થઈ, એ આજ ૨૩મા વર્ષે જનઆંદોલનનું સ્વરૂપ ધારણ કરી ચૂક્યું છે. અને આજે, રાજ્યના મુખ્યમંત્રીશ્રી ભુપેન્દ્ર પટેલના માર્ગદર્શન હેઠળ સમગ્ર ગુજરાતમાં આ ઉજવણી ધૂમધામથી ચાલી રહી છે.
બાળકો માટે શૈક્ષણિક કીટનું વિતરણ કરાયું, માતાપિતાઓના દ્રષ્ટિકોણથી પણ વિવિધ શૈક્ષણિક યોજનાઓ પર ચર્ચા થઈ, SMC બેઠક યોજાઈ અને અંતે વૃક્ષારોપણના કાર્યથી સંકલ્પના બીજ પેરાયા. વિદ્યાર્થીઓએ વિજ્ઞાન, પર્યાવરણ, અને સામાજિક વિષયો પર અભિવ્યક્તિ વ્યક્ત કરી અને ઉત્તમ પરિણામ મેળવનાર તેજસ્વી તારલાઓને ભવ્ય સન્માન અપાયું.
કેબિનેટ મંત્રીએ જણાવ્યું કે, “ક્યારેક ૩૭% જેટલો રહેલો ડ્રોપઆઉટ રેટ આજે તંત્રની કટિબદ્ધતા અને લોકોના સહભાગથી નોંધપાત્ર રીતે ઘટ્યો છે.રાજ્ય સરકાર સ્માર્ટ ક્લાસ રૂમ્સ, ડિજિટલ ટૂલ્સ અને અભ્યાસક્રમના આધુનિકીકરણથી શિક્ષણમાં ક્રાંતિ લાવવાનું લક્ષ્ય ધરાવે છે.
આ પ્રસંગે પાટણ નગરપાલિકાની પ્રમુખ હિરલબેન પરમાર, HUDKO ના નિયામક કે.સી. પટેલ, APMCના ચેરમેન વિષ્ણુભાઈ પટેલ તથા સંગઠનના આગેવાનો અને શિક્ષણપ્રેમી લોકો મોટી સંખ્યામાં હાજર રહ્યા. બાળકોના અવાજે આજે જે ગીત ઊઠ્યું, તે ગુંજાવશે ૨૦૪૭ના વિકાસશીલ ભારત સુધી
“શાળાની વાટે વસંત આવે છે…”
“જ્યાં દરવાજો શાળાનો હોય, ત્યાં દશા દેશની બદલાય”
“બાળપગલાંમાં વિકસિત ભારતનાં પગલાં સંતાયેલાં છે”
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
