ભારતની ત્રીજાંનંબર ની ભવ્ય રથયાત્રા તરીકે ઓળખાતી પાટણની ભગવાન જગન્નાથજીની 143મી રથયાત્રા આજે ભક્તિ, ભવ્યતા અને ભીડના ઘંધાટ વચ્ચે નિકળી હતી. શહેરના ભગવાન જગન્નાથ મંદિરથી જર્મન સિલ્વરથી મઢાયેલા ત્રણ રથમાં ભગવાન જગન્નાથ, ભાઈ બલરામજી અને બહેન સુભદ્રામાતા નગરચર્યા પર નીકળી ભક્તોને દર્શન આપી રહ્યા છે.
આ રથયાત્રા પાટણમાં છેલ્લા 143 વર્ષોથી સક્રિય અને પરંપરાગત રૂપે ઉજવાતી આવે છે. આ રથયાત્રા ગુજરાતની અમદાવાદ બાદ બીજી સૌથી મોટીફળકદ ભક્તિમય યાત્રા તરીકે ઓળખાય છે. પાટણ શહેર તેમજ આસપાસના 500થી વધુ ગામડાંમાંથી આવેલા ભક્તોનું ટોળું, અંદાજે બે લાખ જેટલા ભક્તો ભગવાનના દર્શન અને આશીર્વાદ માટે ઉમટી પડ્યું હતા.
ભક્તજનો માટે શહેરના વિવિધ વિસ્તારોમાં 100થી વધુ સેવાકીય કેમ્પો લાગ્યા હતા જેમાં ચા, ઠંડા પીણાં અને નાસ્તા સહિતની વ્યવસ્થાઓ કરવામાં આવી હતી. ખાસ કરીને જૂનાગંજ વિસ્તારમાં છેલ્લાં 50 વર્ષથી દુર્ગાભાઈ જોશી પરિવાર દ્વારા ગિરનારી ખીચડીનો કેમ્પ ચાલે છે, જેને ભક્તો વિશેષ રુચિથી માણે છે.
શહેરી શાળાઓ અને સેવાભાવી સંસ્થાઓ દ્વારા વિવિધ વેશભૂષામાં શોભાયાત્રા અને ઝાંખીઓ રજૂ કરાઈ હતી. આ તકે મધ્યપ્રદેશથી પધારેલા ભક્ત સંગીત મંડળ દ્વારા હનુમાન ચાલીસાનું ગાન કરવામાં આવ્યું હતું, જેને રથ યાત્રાના માર્ગ પર હજારો ભક્તોએ ભક્તિભાવે સાંભળ્યું અને માહોલ પૂર્ણ રૂપે આધ્યાત્મિક બની ગયો.
પાટણ જિલ્લા પોલીસ દ્વારા સમગ્ર યાત્રા માર્ગ પર ચુસ્ત સુરક્ષા વ્યવસ્થા ગોઠવવામાં આવી હતી. ભીડને સંભાળવા માટે પોલીસ, હોમગાર્ડ્સ અને વોલન્ટિયરોના સહયોગથી સંપૂર્ણ વ્યવસ્થા નિયંત્રણમાં રહી હતી.
જગતના નાથના દર્શન કરવા માટે પાટણના વતનીઓ અને પરપ્રાંતીય ભક્તો યાત્રા પહેલાંના બે દિવસથી શહેરમાં આવી પહોંચ્યા હતા, જેથી પાટણમાં ધાર્મિક ઉત્સવ જેવી ભવ્યતા જોવા મળી.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
