સુરત શહેરના અમરોલી વિસ્તારમાં માનવતાને શર્મસાર કરતી ઘટના સામે આવી છે, જેમાં 11 વર્ષની માસૂમ બાળકી સાથે છેડતી કરવામાં આવી હોવાનો આરોપ છે. આ ઘટનામાં પોલીસે 56 વર્ષીય આરોપીની ધરપકડ કરી છે, જ્યારે ઘટનાને લઈને સ્થાનિકોમાં ભારે રોષ ફેલાયો છે.
માહિતી મુજબ, અમરોલીના સૃષ્ટિ રો-હાઉસ નજીક આવેલા સિટી હાઇટ્સ કોમ્પ્લેક્સમાં ‘શ્રીજી લાઈવ આલુપુરી’ નામની દુકાન ચલાવતા દિનેશ જીવરાજભાઈ રામાણી (ઉંમર 56)એ આ કૃત્ય આચર્યું હોવાનું સામે આવ્યું છે.
શું બની ઘટના?
બાળકી બપોરે એકલી આલુપુરી લેવા દુકાને ગઈ હતી. આરોપીએ તેને “વાળ સરખા કરી આપું” કહીને નજીક બોલાવી અને ત્યારબાદ અયોગ્ય રીતે અડપલાં કર્યા.
આ ઘટનાથી ગભરાયેલી બાળકી તાત્કાલિક ત્યાંથી ભાગી ગઈ અને ઘરે જઈ પરિવારને જાણ કરી. પરિવારજનોએ તરત જ પોલીસમાં ફરિયાદ નોંધાવી હતી.
પોલીસ કાર્યવાહી અને POCSO હેઠળ કેસ:
અમરોલી પોલીસએ તાત્કાલિક કાર્યવાહી કરીને આરોપીની ધરપકડ કરી છે. આરોપી સામે POCSO Act તેમજ છેડતીની સંબંધિત કલમો હેઠળ ગુનો નોંધવામાં આવ્યો છે.
પોલીસે આજે આરોપીને ઘટના સ્થળે લઈ જઈ રિ-કન્સ્ટ્રક્શન પણ કર્યું હતું.
મહિલાઓનો ઉગ્ર વિરોધ:
ઘટનાની માહિતી મળતા જ મોટી સંખ્યામાં લોકો અને ખાસ કરીને મહિલાઓ ઘટનાસ્થળે એકત્ર થયા હતા.
ગુસ્સે ભરાયેલી મહિલાઓએ આરોપી પર લાતો અને ચપ્પલ વડે હુમલો કરીને પોતાનો રોષ વ્યક્ત કર્યો. પોલીસની હાજરી છતાં આક્રોશિત મહિલાઓએ આરોપીને ‘પાઠ ભણાવ્યો’.
સ્થાનિકોમાં ભય અને આક્રોશ:
સ્થાનિકોમાં ચર્ચા છે કે આરોપીએ અગાઉ પણ આવી હરકતો કરી હોઈ શકે છે. આ ઘટનાએ વિસ્તારમાં સુરક્ષાને લઈને ગંભીર પ્રશ્નો ઉભા કર્યા છે.
લોકોએ આરોપી સામે કડક કાર્યવાહી કરવાની માંગ કરી છે જેથી ભવિષ્યમાં આવી ઘટનાઓ ફરી ન બને.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
