ગુજરાતમાં 181 મહિલા અભયમ પરીણિતાઓ પર થતા અત્યાચારના કેસોમાં સમાધાનની રાહે ઘર સંસાર પુનઃ સ્થાપવાનું કાર્ય કરે છે ત્યારે નડિયાદમાં આવો એક કેસ મહિલા અભયમના નજરે પડેલ, જેમાં એક તરફી પ્રેમમાં પડેલા પાડોશી પુરૂષે મહિલાની ખોટી અફવા ફેલાવી હતી. મહિલાએ સંબધ રાખવાની ના પાડતા જેલસ પુરૂષે ખોટી વાતો ફેલાવી હતી. જેથી પતિ પણ ચારિત્ર્યને લઈ શંકા કરતો હતો અને તેથી બંને વચ્ચે અણબનાવ બનતા 181 મહિલા અભયમની ટીમે પહોંચી આ ઘર સંસારને તૂટતા બચાવ્યો છે.
પ્રાપ્ત માહિતી અનુસાર, ખેડા જિલ્લાના એક અંતરિયાળ ગામમાં રહેતી મહિલાએ 181 પર કોલ કરી પોતાની આપવીતી જણાવી હતી. જેમાં તેણીએ કહ્યું કે, પોતાના પતિ તેમના પર વહેમ રાખી ઝઘડો કરીને તથા મરી જા તેમજ ઘરે પાછી ન આવવાની ધમકી આપીને હેરાન કરતા હતા. જેથી માઠું લાગેલ મહિલાએ 181ની મદદ મેળવી હતી. 181 અભયમની ટીમે તાત્કાલિક ઘટના સ્થળે પહોંચી આ મહીલાને સપોર્ટ કરી કાઉન્સિલિંગ કર્યું હતું.
