રશિયામાં 5મી વખત રાષ્ટ્રપતિ તરીકે ચૂંટાવા બદલ વડાપ્રધાન મોદીએ વ્લાદિમીર પુતિન સાથે ફોન પર વાત કરીને તેમને શુભેચ્છાઓ પાઠવી છે. સાથે જ વડાપ્રધાન મોદીએ રશિયાના મૈત્રીપૂર્ણ લોકોની શાંતિ, પ્રગતિ અને સમૃદ્ધિ માટે શુભકામનાઓ આપી છે. તે સિવાય તેમને બંને દેશની વચ્ચે કૂટનીતિક ભાગીદારી વિશે પણ ચર્ચા કરી. તેમને ભારત-રશિયાના આગળ વધવાના રસ્તાઓ વિશે પણ વાતચીત કરી અને કૂટનીતિની તરફેણમાં ભારતની સ્થિતિનો સતત પુનરોચ્ચાર કર્યો.
વડાપ્રધાન મોદીએ એક્સ પર પુતિનને શુભેચ્છા સંદેશો આપતા લખ્યું ‘રાષ્ટ્રપતિ પુતિન સાથે વાત કરી અને તેમને રશિયન સંઘના રાષ્ટ્રપતિ તરીકે ફરીથી ચૂંટાવા બદલ શુભેચ્છા આપી. ભારત-રશિયા આગામી વર્ષોમાં વિશેષાધિકાર પ્રાપ્ત રાજકીય ભાગીદારીને વધુ વિસ્તાર આપશે અને સાથે મળીને કામ કરશે. તેના માટે બંને દેશોમાં સહમતિ બની છે.’
Spoke with President Putin and congratulated him on his re-election as the President of the Russian Federation. We agreed to work together to further deepen and expand India-Russia Special & Privileged Strategic Partnership in the years ahead. @KremlinRussia
— Narendra Modi (@narendramodi) March 20, 2024
રશિયાની ચૂંટણીના પરિણામ આવ્યા બાદ વડાપ્રધાન મોદીએ ફોન પર કરી વાતચીત
ત્યારે રશિયા-યૂક્રેનમાં ચાલી રહેલા યુદ્ધ પર પણ વડાપ્રધાન મોદીએ રશિયન રાષ્ટ્રપતિ વ્લાદિમીર પુતિન સાથે વાત કરી. વડાપ્રધાન મોદીએ કહ્યું કે બંને નેતાઓએ સંપર્કમાં રહેવા પર સહમતિ વ્યક્ત કરી છે. જણાવી દઈએ કે આ 5મી વખત છે, જ્યારે પુતિન રશિયાના રાષ્ટ્રપતિ તરીકે ચૂંટાયા છે. થોડા દિવસ પહેલા જ ચૂંટણીના પરિણામ સામે આવ્યા હતા, જેમાં પુતિને ઐતિહાસિક જીત નોંધાવી છે.
