રેડ 2નું દમદાર ટ્રેલર રિલીઝ, અજય દેવગણના ચક્રવ્યૂહમાં ફસાયો રિતેશ દેશમુખ

રેઇડ 2 એ 2018 માં રિલીઝ થયેલી રેઇડની સિક્વલ છે. જેમાં વાર્તા આગળ વધશે. પહેલા ભાગમાં અજયે IRS અધિકારી અમય પટનાયકની ભૂમિકા ભજવી હતી જે એક ભ્રષ્ટ રાજકારણીના ઘરે દરોડો પાડે છે અને સફળ થાય છે.પહેલી રેડમાં અજય દેવગણની સામે સૌરભ શુક્લા હતા. આ વખતે તેની સામે રિતેશ દેશમુખ છે જે એક શક્તિશાળી રાજકારણી દાદા ભાઈની ભૂમિકા ભજવી રહ્યા છે. આ ફિલ્મમાં રિતેશ અને સૌરભ શુક્લાના પાત્ર વચ્ચે સંબંધ બતાવ્યો છે. રિતેશ સૌરભને ‘તાઉજી’ કહીને બોલાવે છે. આ સિક્વલમાં અજય તેની ટીમ સાથે રિતેશ દેશમુખના ઘરે દરોડા પાડતા અને ખજાનો શોધતા નજર આવશે. હવે આ રેડ કેટલી સફળ જશે એ તો આવનારો સમય જ બતાવશે.

ચોટદાર સંવાદોથી ભરપૂર ટ્રેલર

ટ્રેલરમાં બોલાયેલા અદ્ભુત સંવાદો પણ ફિલ્મની મજબૂત કડી સાબિત થઈ શકે છે. ટ્રેલરની શરૂઆત અજય દેવગણ દ્વારા દરવાજો ખટખટાવતા થાય છે ‘दरवाजा खोलो, दादा मनोहर भाई के नाम पर वारंट है’. અંદરથી અવાજ આવે છે ‘अंदर ये शस्त्रधारी देख रहे हो’ આનો જવાબ અજય આપે છે ‘बाहर खड़े सरकारी कर्मचारी देख रहे हो’ અજયને આ ફિલ્મમાં પણ થોડી મુશ્કેલી થાય છે પણ પછી તે થોડા સમયમાં જ પોતાના ફોર્મમાં પાછો આવી જાય છે. વચ્ચે રિતેશનો એક ડાયલોગ છે ‘अच्छे नेता हाथ काले नहीं करते’ અજય દેવગણ રિતેશ સાથે ફોન પર વાત કરતા કહે છે ‘ ‘चक्रव्यूह में फंसोगे तो गुस्सा तो आएगा ही’.આનો જવાબ રિતેશ આપે છે ‘किसने कहा मैं पांडव हूं, मैं तो पूरी महाभारत हूं’. આમ ટ્રેલરમાં સંભળાતા આ ડાયલોગ ફિલ્મની ઇન્તેઝારી વધુ વધારી રહી છે. આગામી 1 મે ના રોજ આ ફિલ્મ રીલીઝ થવા જઈ રહી છે ત્યારે જોવાનું એ રહેશે કે આ ફિલ્મ બોક્સ ઓફિસ પર કેટલું કલેક્શન કરે છે.