સુરતમાં સગીરને ભગાડી જનાર શિક્ષિકા ગર્ભવતી હોવાનો ચોંકાવનારો ખુલાસો થયો હતો. સુરતના પુણામાં 13 વર્ષીય સગીરને લઈને ભાગી ગયેલી શિક્ષિકાને 5 મહિનાનો ગર્ભા હોવાનો ખુલાસો થયો હતો. 23 વર્ષીય શિક્ષિકા પોતાના જ ટ્યુશન ક્લાસિસમાં આવતા 13 વર્ષના વિદ્યાર્થીને ભગાડી ગઈ હતી. ત્યાર બાદ હોટલમાં રાત્રિ રોકાણ દરમિયાન શારીરિક સંબંધ બાંધ્યા હતા. વિદ્યાર્થી અને શિક્ષિકા સાડાચાર દિવસ બાદ પોલીસના હાથે પકડાયા હતા.
#WATCH | Surat, Gujarat | DCP Surat Bhagirath Gadhvi said, "Initially, we had registered a case of kidnapping. When we found the victim, we learned that the person who took him was his teacher. The police have arrested the accused. This incident happened on 25 April… We have… pic.twitter.com/tCnFfwponb
— ANI (@ANI) May 3, 2025
સુરતની શિક્ષિકા દ્વારા વિદ્યાર્થીના શોષણ મામલે નવો ઘટસ્ફોટ થયો છે. 13 વર્ષના વિદ્યાર્થીને ભગાડી જનાર આરોપી શિક્ષિકા માનસી નાઈ ગર્ભવતી હોવાનો ખુલાસો મેડિકલ ટેસ્ટમાં થયો છે. આરોપી માનસી નાઈને 20 અઠવાડિયાનો ગર્ભ હોવાનું સામે આવતા સનસની મચા જવા પામી છે. ત્યાં જ પોલીસે હાલમાં સગીર વિદ્યાર્થીને તેના પરિવારજનોને સોંપી દીધો છે અને આરોપી શિક્ષિકા વિરૂદ્ધ કાયાદાકીય કાર્યવાહી શરૂ કરી છે.
સુરતમાં 23 વર્ષીય શિક્ષિકા દ્વારા 13 વર્ષીય સગીરનું શોષણ કરાયાના પોક્સો હેઠળ ફરિયાદ નોંધવામાં આવી છે. પુણા પોલીસે આરોપી શિક્ષિકાનાં 4 દિવસના રિમાન્ડ માંગ્યા હતા. કોર્ટે શિક્ષિકાના 1 દિવસના રિમાન્ડ મંજૂર કર્યા હતા.
ડીસીપી ભગીરથ ગઢવીએ જણાવ્યું હતું કે, શિક્ષિકાના નિવેદનમાં જાણવા મળ્યું હતું કે, શિક્ષિકા દ્વારા આ વિદ્યાર્થીનું શારીરિક શોષણ કરવામાં આવતું હતું. હાલ તો આ નિવેદન આધારે વિદ્યાર્થી અને શિક્ષિકાનું મેડિકલ પરીક્ષણ કરવામાં આવી રહ્યું છે. આ સાથે જ પોકસો અને બીએનએસ કલમ 127 એડ કરી વધુ તપાસ હાલ ચાલી રહી છે.
