બોરડામાં શ્રાવણ માસના યજ્ઞસ્થળે મોરારિબાપુની વંદના

જાણિતા લોકસાહિત્યકાર માયાભાઈ આહિર દ્વારા શ્રાવણ માસ યજ્ઞમાં વંદના કરતાં મોરારિબાપુએ રાજીપો વ્યક્ત કર્યો છે.

પવિત્ર શ્રાવણ માસ દરમિયાન જાણિતા લોકસાહિત્યકાર માયાભાઈ આહિર છેલ્લાં ઘણાં વર્ષોથી પોતાના નિવાસસ્થાન પર યજ્ઞ ઉપાસના કરતાં રહ્યા છે, અહીંયા ગુરુવારે મોરારિબાપુ દ્વારા આ યજ્ઞ શાળામાં વંદના પૂજન કરતાં આ ધર્મ સંસ્કૃતિના સનાતન ઉપાસના કાર્ય માટે રાજીપો વ્યક્ત કર્યો છે.

મોરારિબાપુ આ દિવસે વિવિધ ધર્મસ્થાનોમાં મુલાકાત યાત્રા કરી સાંજના બોરડા આગમન થયું હતું અને માયાભાઈ આહિર દ્વારા ચાલતા આ યજ્ઞ સ્થાન પર પહોંચી ભૂદેવો તથા પરિવારજનો સાથે મૌન સાથે પ્રસન્નતા વ્યક્ત કરી હતી.