સ્પોર્ટ્સ ઓથોરિટી ઓફ ગુજરાત, જિલ્લા રમત ગમત અધિકારી અને જિલ્લા રમત પ્રશિક્ષણ કેન્દ્ર, ખેડા નડિયાદના સંયુક્ત ઉપક્રમે નડિયાદ સ્પોર્ટ્સ કોમ્પલેક્ષ ખાતે ૬૯ મી અખિલ ભારતીય શાળાકીય રમતોની સ્પર્ધાનુ આયોજન કરવામાં આવ્યું છે. ૨૭ સપ્ટેમ્બર સુધી ચાલનાર આ સ્પર્ધામાં વિવિધ જિલ્લાઓ અને મહાનગરપાલિકાઓ માંથી ૧૪૦૦ જેટલી મોટી સંખ્યામાં વિવિધ રમતવીરો જોડાયા છે. કલેકટર અમિત પ્રકાશ યાદવે આ સ્પર્ધામાં ઉપસ્થિત રહી વિજેતા ખેલાડીઓને મેડલ પહેરાવી અભિવાદન કર્યુ હતું. અને આ રીતે તમામ સ્પર્ધકોને રમતના જુસ્સા માટે પ્રોત્સાહન પૂરું પાડ્યું હતું.
સ્પર્ધામાં ભાગીદાર સૌ રમતવીરોને આવકારતા અમિત પ્રકાશ યાદવે જણાવ્યું હતું કે ૭૦ વર્ષો થી ચાલતી સ્કૂલ ફેડરેશન સ્પોર્ટ્સ ઇવેન્ટ એક મહત્વપૂર્ણ રમત સ્પર્ધા છે. જેમાં, એક રમતવીરને તમામ સ્તરે પોતાની રમત શક્તિનું પ્રદર્શન કરવાની તક મળે છે. હાલમાં નવરાત્રી અને સાથે જ આ રમત સ્પર્ધાઓના આયોજન થી જિલ્લામાં ડબલ ઉત્સવનું વાતાવરણ જોવા મળી રહ્યું છે. કલેક્ટરએ તમામ રમતવીરોને ખેલદિલી સાથે રમત રમવાની અપીલ કરી હતી. વધુમાં તેમણે નડિયાદ સ્પોર્ટ્સ એકેડમીની કામગીરીને પણ બિરદાવી હતી. અંડર ૧૭ વય જૂથ હેઠળ આયોજિત સ્પર્ધાઓમાં ડિસ્કસ થ્રો સ્પર્ધામાં કાવ્યા શિલ્હુ, માન્યાં પટેલ અને રેશમ કોટડીયાને અનુક્રમે ગોલ્ડ, સિલ્વર અને બ્રોન્ઝ મેડલ; હાઈ જમ્પ સ્પર્ધામાં અમન વણઝારા, ધ્રુવ ચૌધરી અને યશ સતીયાને અનુક્રમે ગોલ્ડ, સિલ્વર અને બ્રોન્ઝ મેડલ; ૩૦૦૦ મીટર દોડ (બહેનો) સ્પર્ધામાં નિધિ ખેરાલા, રવિના સેવરા, અને કિંજલ મેરને અનુક્રમે ગોલ્ડ, સિલ્વર અને બ્રોન્ઝ મેડલ અને ૩૦૦૦ મીટર દોડ (ભાઈઓ) મા અશ્વિન બારીયા, વનરાજ સરવૈયા અને નૈતિક ગોહિલને ગોલ્ડ, સિલ્વર અને બ્રોન્ઝ મેડલ આપી સન્માન કરવામાં આવ્યું હતું.
આ કાર્યક્રમ અંતર્ગત ઉપસ્થિત સૌએ પોષણ અભિયાન અંતર્ગત શુદ્ધ પાણી, પૌષ્ટિક આહાર અને સાચી જીવન પદ્ધતિ અપનાવવાની પ્રતિજ્ઞા લીધી હતી.
રિપોર્ટર – યેશા શાહ (ખેડા)
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
