હાલમાં નવરાત્રીના તહેવાર નિમિત્તે કપડવંજ ટાઉન પોલીસ સર્વેલન્સ સ્કોડના માણસો સાથે સરકારી વાહન સાથે પેટ્રોલીંગમાં હતા દરમ્યાન કપડવંજ ગરોડ નાકા પાસે અવાવરુ જગ્યામાં અંધારામાં એક મારુતી સુઝુકી કંપનીની બલેનો ગાડી ઉભી રાખી ત્રણ ઇસમો ત્યાં બેસી રહેલ વાછરડાની ચોરી કરી ગાડીની ડેકીના ભાગે નાંખતા હતા તે પેટ્રોલીંગ દરમ્યાન સરકારી વાહનના અજવાળે દેખાઈ આવતા તરત જ આ જગ્યાએ સરકારી વાહન જવા દેતા આ ત્રણેય ઇસમો ગાડીમાં બેસી ખુબ જ ઝડપે તેઓની બલેનો ગાડી હંકારી નડીયાદ તરફના રોડ ઉપર ભાગ્યા હતા.
આ વખતે કપડવંજ ટાઉન પોલીસ સ્ટેશનનું સરકારી વાહન નંબર GJ 18 GB 5744 થી ફિલ્મી ઢબે પીછો કરી કઠલાલ પોરડા ગામની સીમમાં પી.સી.આર વાહનથી સદરહું ગાડીને રોકાવવા સારૂ પ્રોપર રોડ બ્લોક કરાવતા આ ગાડીના ચાલક દ્વારા બલેનો ગાડી યુટર્ન લઇ પીછો કરી રહેલ કપડવંજ ટાઉન પોલીસ સ્ટેશનના અધિકારી/કર્મચારીઓને મારી નાંખવાના ઇરાદે ફુલ સ્પીડે સરકારી વાહનને ટક્કર મારી નુકશાન પહોંચાડી પોતાની બલેનો ગાડી રોડની સાઈડમાં પલ્ટી ખવડાવી દેતા તુરંત જ પોલીસ ઇન્સપેક્ટર તથા સર્વેલન્સ સ્કવોડના માણસોએ ગાડીને કોર્ડન કરી ભાગવા જતા ત્રણ આરોપીઓ સીમર ઉર્ફે સલમાન યાકુબ સકલા, ઇકરામ સિંકદર ગિતેલી અને તાહીર સીરાજ બોકડા ત્રણેય રહે ગોધરાના ઝડપી પાડ્યાં હતા.
સદર બલેનો ગાડીની ડેકીમાંથી ગૌવંશ વાછરડી મળી આવેલ તથા ગૌવંશની ચોરી કરી બાંધવા માટેના દોરડા, કટર બ્લેડ તથા સ્ટીલની પાઇપ મળી આવેલ હતી. પકડાયેલ આરોપીઓનો ગુનાહીત ઇતિહાસ ધરાવે છે. જે અગાઉ પણ ગૌવંશની ચોરી તેમજ ગૌવંશની કતલના અલગ અલગ પોલીસ સ્ટેશનોમાં ગુનાઓ નોંધાયેલ છે. તેમજ પકડાયેલ આરોપી પૈકી એક આરોપી હાલ ગોધરા બી ડીવીજન પોલીસ સ્ટેશનના ગૌ વંશની કલમના ગુનામાં વોન્ટેડ હોય તેને પણ ઝડપી પાડવામાં આવ્યો હતો.
આમ, ગૌવંશની ચોરી કરી કતલ કરતી ગેંગના ત્રણ રીઢા આરોપીઓને ચોરી કરેલ વાછરડી (ગૌવંશ) સાથે જીવની પરવા કર્યા વગર ફિલ્મી ઢબે પીછો કરી ઝડપી પાડી ગૌવંશને બચાવી કપડવંજ ટાઉન પોલીસ સ્ટેશનના પોલીસ ઈન્સપેક્ટર તથા ટીમ દ્વારા પ્રશંસનીય કામગીરી કરવામાં આવી હતી.
રીપોર્ટર – સુરેશ પારેખ (કપડવંજ )
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
