‘તમે અમદાવાદમાં થયેલા કોલ્ડપ્લેની તસવીરો જોઈ હશે…’, કૉન્સર્ટ અંગે બોલ્યા વડાપ્રધાન મોદી

બ્રિટિશ બૅન્ડ કોલ્ડપ્લે ભારતમાં ‘મ્યુઝિક ઑફ ધ સ્ફિયર્સ’ ટૂર કરી રહી છે. તાજેતરમાં તેણે મુંબઈ અને અમદાવાદમાં પર્ફોર્મ કર્યું છે. ઉલ્લેખનીય છે કે, કોલ્ડપ્લે કૉન્સર્ટની ચર્ચા છેલ્લા ઘણાં મહિનાઓથી ચાલી રહી હતી. મુંબઈ અને અમદાવાદમાં યોજાયેલા કૉન્સર્ટના વીડિયો સોશિયલ મીડિયા પર ખૂબ વાયરલ થઈ રહ્યા છે. ત્યારે હવે આ વચ્ચે પીએમ મોદીએ આજે કોલ્ડપ્લે બૅન્ડનો ઉલ્લેખ કર્યો છે.

પીએમ મોદીએ કોલ્ડપ્લેનો કર્યો ઉલ્લેખ

પીએમ મોદીએ ભુવનેશ્વરમાં ઉત્કર્ષ ઓડિશા – મેક ઇન ઓડિશા કોન્ક્લેવ 2025ને સંબોધિત કરતાં કહ્યું કે, ‘છેલ્લાં કેટલાક દિવસોમાં તમે મુંબઈ અને અમદાવાદમાં કોલ્ડપ્લે કૉન્સર્ટની શાનદાર તસવીરો જોઈ હશે, આ તસવીર એ વાતનો પુરાવો છે કે, લાઇવ કૉન્સર્ટ માટે ભારતમાં કેટલો સ્કોપ છે.’ મોદીએ પોતાના સંબોધનમાં અમદાવાદમાં યોજાયેલ બ્રિટિશ રૉક બૅન્ડ કોલ્ડપ્લેનો ઉલ્લેખ કર્યો હતો. તેમણે કહ્યું કે, ‘આજે ભારતમાં કૉન્સર્ટ ઈકોનોમી સેક્ટર પણ વિકસી રહ્યું છે. આ દેશ કૉન્સર્ટનો ખૂબ મોટો કન્ઝ્યુમર છે.’

10 વર્ષમાં લાઇવ ઈવેન્ટ્સ અને કૉન્સર્ટનું ચલણ વધ્યું

તેમણે આગળ કહ્યું કે, ‘મને આશા છે કે, કૉન્સર્ટ ઈકોનોમી સેક્ટરને પ્રોત્સાહન આપવા માટે રાજ્ય સરકાર અને પ્રાઇવેટ સેક્ટર ઇન્ફ્રાસ્ટ્રક્ચર પર ફોકસ કરશે. હાલના સમયમાં વિશ્વભરના મોટા કલાકારો ભારત આવવા માગે છે. આ એક એવો દેશ છે જેની સંગીત, ડાન્સ અને સ્ટોરી ટેલિંગની મોટી વિરાસત રહી છે. અહીં કૉન્સર્ટ ઈકોનોમીની ખૂબ સંભાવનાઓ છે. છેલ્લા 10 વર્ષમાં લાઇવ ઈવેન્ટ્સ અને કૉન્સર્ટનું ચલણ વધ્યું છે.’

મુખ્ય હાઇલાઇટ્સ:

🔹 આંતરરાષ્ટ્રીય કલાકારો ભારત તરફ આકર્ષાઈ રહ્યા છે – વિશ્વવિખ્યાત સંગીતકારો અને પરફોર્મર્સ હવે ભારતને મહત્વના કૉન્સર્ટ ડેસ્ટિનેશન તરીકે જોઈ રહ્યા છે.
🔹 રાજ્ય સરકારો અને પ્રાઇવેટ સેક્ટરનો ઇન્ફ્રાસ્ટ્રક્ચર પર ભાર – સંગીત અને લાઇવ ઈવેન્ટ ઈકોનોમીને વેગ આપવા રાજ્ય સરકારો અને ખાનગી ક્ષેત્ર દ્વારા વધુ રોકાણની જરૂર છે.
🔹 ભારતનું સંગીત, ડાન્સ અને સ્ટોરીટેલિંગમાં સમૃદ્ધ વારસો – ભારતમાં સાંસ્કૃતિક ભવ્યતા અને વિવિધતાને કારણે કૉન્સર્ટ ઈકોનોમી માટે મોટી સંભાવનાઓ છે.
🔹 કૉન્સર્ટ ઈકોનોમી વિકાસ પામતી ઉદ્યોગવર્ગ બની રહ્યો છે – લાઇવ ઈવેન્ટ્સના આયોજનથી હોટેલ, હૉસ્પિટાલિટી, પ્રવાસન અને ટેક્નોલોજી ઉદ્યોગોને ફાયદો થાય છે.

વિશ્વના મોટા લાઇવ કૉન્સર્ટ્સ હવે ભારતમાં

✅ U2, Coldplay, Ed Sheeran, Justin Bieber જેવા કલાકારોએ ભારતમાં પરફોર્મ કર્યું
✅ કોઈચેલ્લા અને ટોમોરોલેન્ડ જેવા ફેસ્ટિવલ્સના ભારતીય સંસ્કરણો શક્ય છે
✅ મુંબઈ, બેંગલુરુ, દિલ્હી, હૈદરાબાદ જેવા શહેરો મ્યુઝિક ટૂર હબ બની રહ્યા છે

💡 મોટા કૉન્સર્ટ્સ અને ફેસ્ટિવલ્સ લાઇવ મ્યુઝિક ઈન્ડસ્ટ્રીને મજબૂત બનાવે છે, અને ભારત આગામી દાયકામાં ગ્લોબલ કૉન્સર્ટ ડેસ્ટિનેશન બની શકે છે.

કોલ્ડપ્લે એ એક બ્રિટીશ ઓલ્ટરનેટિવ રોક બૅન્ડ છે જેને સિંગર ક્રિસ માર્ટિન અને ગિટારવાદક જોની બકલેન્ડે વર્ષ 1996માં બનાવ્યું હતું. આ બેન્ડમાં મુખ્ય ચાર આર્ટિસ્ટ છે. આ ચારના નામ ક્રિસ માર્ટિન, ગાયે બેરીમેન, જોની બકલૅન્ડ, વિલ ચેમ્પિયન છે.