આ હાટ પાટણના સંતોક બા હોલ ખાતે યોજાઈ રહ્યો છે, જ્યાં સ્થાનિક કારીગરો, બહેનોના સખી મંડળો અને ખેડૂત જૂથો દ્વારા તૈયાર કરાયેલા પરંપરાગત હસ્તકલા અને કૃષિ ઉત્પાદનોનું પ્રદર્શન તથા વેચાણ કરવામાં આવી રહ્યું છે.
ઓગસ્ટ ૨૦૨૫ સુધી સવારના ૧૦ વાગ્યાથી સાંજના ૭ વાગ્યા સુધી નાગરિકો માટે ખુલ્લું રહેશે.
આ ‘આકાંક્ષા હાટ’ માં કુલ ૧૯ સ્ટોલ ઊભા કરવામાં આવ્યા છે, જેમાં ૧૫ સ્વ-સહાય જૂથો અને ૪ ખેતીવાડી વિભાગના સ્ટોલનો સમાવેશ થાય છે. પ્રદર્શન સ્થળે રાખડી, ચણીયા-ચોળી, પેચ વર્ક, ભરતકામ, ચાકળા, તોરણ, થેલાં, જૂમર, મીઠાઈઓ, પાપડ, ખાખરા, તેમજ બાજરી, મગ, જીરુ, ધાણા, મેથી અને અજમો જેવા સ્થાનિક કૃષિ ઉત્પાદનો રજૂ કરવામાં આવ્યા છે.
આ હાટનો મુખ્ય હેતુ સ્થાનિક સ્તરે આત્મનિર્ભરતા અને સામૂહિક રોજગારને વેગ આપવો છે. ખાસ કરીને ગ્રામ્ય મહિલાઓ દ્વારા ઘરોમાં ઉત્પન્ન થતી કળાઓને બજાર સુધી પહોંચાડવાનો પ્રયાસ કરવામાં આવ્યો છે.
દાત્રાણા ગામના સખી મંડળે સ્ટેટ વાઇડ પહેચાન બનાવી સાંતલપુર તાલુકાના દાત્રાણા ગામના સખી મંડળ દ્વારા પેચ વર્કનો સુંદર સ્ટોલ મૂકવામાં આવ્યો છે. આ જૂથના બહેનોએ પૂર્વે અમદાવાદ, સુરત અને દિલ્હી જેવા મોટા શહેરોમાં પણ પ્રદર્શન કર્યું છે. મંડળ સંચાલિકા લીલાબેન મકવાણાએ જણાવ્યું કે, “અમે ૩૦ જેટલી બહેનો મળી ઘરેથી જ કામ કરીએ છીએ. સરકાર દ્વારા મળતી તાલીમ અને મશીન સહાયથી આજે અમે આત્મનિર્ભર બની શક્યા છીએ. તેની બદલ સરકારે જે સહકાર આપ્યો છે તે બદલ આભાર વ્યક્ત કરીએ છીએ.
જિલ્લા ગ્રામ વિકાસ એજન્સી દ્વારા પાટણના નાગરિકોને આ હાટની મુલાકાત લઈ સ્થાનિક હસ્તકલા અને કૃષિ ઉત્પાદનોને ટેકો આપવા અનુરોધ કરવામાં આવ્યો છે.
સાંસ્કૃતિક સમૃદ્ધિ, મહિલાઓના વિકાસ અને સ્થાનિક ઉદ્યોગોને સહારું પૂરું પાડતો આ હાટ “વોકલ ફોર લોકલ” ના મંત્રને જીવી રહ્યો છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
