બિહાર રાજ્યસભા ચૂંટણીમાં NDAએ પ્રભુત્વ જમાવતા તમામ પાંચ બેઠકો પર જીત મેળવી છે. સંખ્યાબળના હિસાબે મહાગઠબંધનને ઓછામાં ઓછું એક બેઠક મળવાની શક્યતા હતી, પરંતુ ચાર વિપક્ષી ધારાસભ્યો મતદાનથી ગેરહાજર રહેતા આખો રાજકીય ખેલ બદલાઈ ગયો. પરિણામે NDAએ ક્લીન સ્વીપ કરીને વિરોધ પક્ષને મોટો રાજકીય ઝટકો આપ્યો છે.
મતગણતરી દરમિયાન NDAના ઉમેદવારોને સારા પ્રમાણમાં ફર્સ્ટ પ્રેફરન્સ વોટ મળ્યા હતા. નીતીશ કુમાર અને નીતિન નવીનને 44-44 મત મળ્યા, જ્યારે રામનાથ ઠાકુર અને ઉપેન્દ્ર કુશવાહાને 42-42 મત પ્રાપ્ત થયા. ભાજપના પાંચમા ઉમેદવાર શિવેશ રામને ફર્સ્ટ પ્રેફરન્સમાં 30 મત મળ્યા હતા. જો કે, કોઈ ઉમેદવાર જરૂરી 41 મત સુધી ન પહોંચી શકતા સેકન્ડ પ્રેફરન્સ વોટની ગણતરી કરવામાં આવી, જેમાં NDAના ઉમેદવારને અંતે જીત મળી.
#WATCH | दिल्ली: भाजपा के राष्ट्रीय अध्यक्ष नितिन नवीन ने राज्यसभा चुनाव के नतीजों पर कहा,
"प्रधानमंत्री के नेतृत्व में NDA की प्रचंड जीत हुई है।
दिल्ली प्रदेश के कार्यकर्ताओं को बधाई।"#NDA #BJP #RajyaSabha #NitinNabin #ModiLeadership
[ NDA, massive victory, Prime… pic.twitter.com/tHmnCbrDA5
— One India News (@oneindianewscom) March 17, 2026
ચૂંટણી દરમિયાન મહાગઠબંધન માટે મોટો આંચકો ત્યારે આવ્યો જ્યારે તેના ચાર ધારાસભ્યો મતદાનમાં હાજર રહ્યા જ નહીં. જેમાં કોંગ્રેસના ત્રણ અને RJDના એક MLAનો સમાવેશ થાય છે. આ ગેરહાજરીને કારણે મહાગઠબંધન પોતાની સંભવિત બેઠક ગુમાવી બેઠું અને NDAને સીધો ફાયદો થયો.
આ ચૂંટણીમાં બિહારની પાંચ રાજ્યસભા બેઠકો ખાલી હતી, જેમાં ભાજપે તમામ પાંચ પર પોતાના ઉમેદવારો ઉતાર્યા હતા. ખાસ વાત એ છે કે હાલના મુખ્યમંત્રી નીતીશ કુમાર રાજ્યસભા માટે પસંદ થયા છે અને તેઓ મુખ્યમંત્રી પદ છોડવાની શક્યતા છે. સાથે જ મંત્રી નીતિન નવીન પણ રાજ્યસભા જવા માટે પોતાના ધારાસભ્ય અને મંત્રી પદનો ત્યાગ કરી શકે છે.
આ પરિણામો પછી બિહારની રાજનીતિમાં મોટો ફેરફાર જોવા મળી શકે છે. ભાજપ રાજ્યમાં પોતાનો મુખ્યમંત્રી બનાવે તેવી ચર્ચાઓ તેજ બની છે, જે આગામી સમયમાં રાજ્યના રાજકીય સમીકરણોને બદલાવી શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
