સુરતના પાલ અને સિટીલાઇટ વિસ્તારમાં એક ચોંકાવનારી ઘટના સામે આવી છે, જેમાં જિમ ટ્રેનર દ્વારા એક પરણિત મહિલાને ફસાવી બ્લેકમેઇલ કરવાનો આરોપ છે. આ કેસમાં પોલીસે આરોપી શબ્બીર અસગર ટ્રંકવાલાની ધરપકડ કરીને વધુ તપાસ શરૂ કરી છે.
માહિતી અનુસાર, પાલ વિસ્તારમાં રહેતી 45 વર્ષીય મહિલા છેલ્લા ઘણા વર્ષોથી સિટીલાઇટ વિસ્તારના ‘પુજા L1’ જિમમાં જતી હતી. અહીં ટ્રેનર તરીકે કામ કરતા શબ્બીરે ટ્રેનિંગના બહાને મહિલાની નજીકતા વધારી અને પછી બંને વચ્ચે સંબંધો વિકસ્યા હતા.
આ સંબંધોના કારણે મહિલાના પરિવાર જીવનમાં તણાવ સર્જાયો હતો. પતિએ સ્થિતિ સુધારવા માટે આરોપી સાથે વાત કરવાનો પ્રયાસ કર્યો હતો, પરંતુ આરોપીએ સંબંધ તોડવાનો ઇનકાર કર્યો હતો.
ફરિયાદ મુજબ, આરોપી પાસે મહિલાના અંગત ફોટા અને વીડિયો હતા, જેના આધારે તેણે પતિને બ્લેકમેઇલ કરવાનું શરૂ કર્યું. આરોપીએ 5 લાખ રૂપિયા નહીં આપ્યા તો વીડિયો સોશિયલ મીડિયા પર વાયરલ કરવાની ધમકી આપી હતી.
હુમલો અને વસૂલાતનો આરોપ
FIR અનુસાર, આરોપીએ પીડિત પતિ પર જીવલેણ હુમલો પણ કર્યો હતો. અઢી મહિના પહેલાં એક સ્કૂલ પાસે તેણે પતિને અટકાવી બાઈકના કાચથી ધમકી આપી હતી. આ દરમિયાન ડરેલા પતિએ 50,000 રૂપિયા ચૂકવ્યા હતા, છતાં આરોપી વધુ નાણાં માંગતો રહ્યો હતો.
પોલીસ કાર્યવાહી અને ધરપકડ
9 માર્ચ 2026ના રોજ પોલીસ કમિશનરે જિમ સંચાલકો સાથે બેઠક કરીને ટ્રેનરોને મહિલાઓ સાથે વ્યવહાર બાબતે ચેતવણી આપી હતી. આ પછી પીડિત પરિવાર હિંમત કરીને પોલીસનો સંપર્ક કર્યો.
સુરત પોલીસની SOG ટીમે ફરિયાદ મળતા જ ટેકનિકલ સર્વેલન્સના આધારે ઝડપી કાર્યવાહી કરી અને થોડા કલાકોમાં જ આરોપીને પકડી પાડ્યો.
આરોપી સામે ભારતીય ન્યાય સંહિતા (BNS)ની વિવિધ કલમો હેઠળ ગુનો દાખલ કરીને તેને જેલમાં મોકલી દેવાયો છે.
તપાસ આગળ વધે છે
પોલીસ હવે તપાસ કરી રહી છે કે આરોપીએ અગાઉ પણ આવી રીતે અન્ય મહિલાઓને ફસાવીને નાણાં પડાવ્યા છે કે નહીં. સાથે જ જિમ ટ્રેનરોની પૃષ્ઠભૂમિ ચકાસવાની કાર્યવાહી પણ હાથ ધરવામાં આવી છે, જેથી ભવિષ્યમાં આવી ઘટનાઓ અટકાવી શકાય.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
