વિશ્વ પ્રસિદ્ધ તિરુપતિ વેંકટેશ્વર મંદિરના પ્રસાદમાં ભેળસેળની પુષ્ટિ થયા બાદ આંધ્રપ્રદેશના સીએમ ચંદ્રબાબુ નાયડુએ કહ્યું છે કે આરોપીઓ સામે કાર્યવાહી કરવામાં આવશે. તમને જણાવી દઈએ કે રાજ્યમાં સત્તારૂઢ ટીડીપીએ દાવો કર્યો છે કે તિરુપતિના પ્રખ્યાત શ્રી વેંકટેશ્વર મંદિરમાં પ્રસાદ તરીકે વહેંચવામાં આવતા લાડુ બનાવવા માટે બીફ ફેટ, ફિશ ઓઈલ અને પામ ઓઈલનો ઉપયોગ કરવામાં આવી રહ્યો હતો. જોકે, લેબ રિપોર્ટ પણ આવી ગયો છે, જેમાં આ વાતની પુષ્ટિ કરવાનો દાવો કરવામાં આવ્યો છે.
This is heart wrenching to hear that @TTDevasthanams sacred prasadam, #TirupatiLaddu has been adulterated with the substances such as #BeefFat, #PigFat & #FishOil. Whomsoever involved must be sent behind the bars for blaspheming #Hindu religion & its devotees🙏#TirupatiBalaji❤ pic.twitter.com/h7DaetQRTm
— Rahul (@imRKG9) September 20, 2024
કોઈ વ્યક્તિને બક્ષવામાં નહીં આવે
ભગવાન તિરુપતિ બાલાજીના પ્રખ્યાત પ્રસાદ લાડુ બનાવવામાં ભેળસેળના મુદ્દે આંધ્રપ્રદેશના સીએમ ચંદ્રબાબુ નાયડુનું નિવેદન પણ સામે આવ્યું છે. સીએમ ચંદ્ર બાબુ નાયડુએ કહ્યું કે આ ગેરરીતિમાં સામેલ કોઈપણ વ્યક્તિને બક્ષવામાં આવશે નહીં, તેમની સામે કડક કાર્યવાહી કરવામાં આવશે. CMએ કહ્યું કે મને જે લેબ રિપોર્ટ મળ્યો છે તેના પરથી સ્પષ્ટ થાય છે કે પ્રસાદની ગુણવત્તા સાથે ચેડા કરવામાં આવ્યા છે અને તેમાં અશુદ્ધ વસ્તુઓની ભેળસેળ સામે આવી છે. આ બધા માટે જવાબદાર કેટલાક લોકો સામે કાર્યવાહી પણ શરૂ કરવામાં આવી છે. કેટલાક લોકોને કામ પરથી પણ દૂર કરવામાં આવ્યા છે.
#WATCH | Ernakulam, Kerala: On Tirumala's laddu prasadam row, Union Minister and BJP National General Secretary Bandi Sanjay says, " Tirumala laddu is considered as a very 'holy prasadam', tainting that is unforgivable sin…during the previous govt's tenure, few people from… pic.twitter.com/l57NPPeCu9
— ANI (@ANI) September 19, 2024
તેમણે કહ્યું કે પ્રસાદની પવિત્રતાને ધ્યાનમાં રાખીને હવે શુદ્ધ ઘીનો ઉપયોગ કરવામાં આવી રહ્યો છે. આ ક્રિયાથી ભક્તો પણ સંતુષ્ટ છે. તેમણે વધુમાં જણાવ્યું હતું કે આ અંગે વધુ તપાસ કરવામાં આવી રહી છે. ઘટના સંબંધિત પુરાવા એકત્ર કરવામાં આવી રહ્યા છે. આ ગેરરીતિમાં જે પણ સંડોવાયેલા જણાશે તેની સામે કડક કાર્યવાહી કરવામાં આવશે.
