ખેડા હેડક્વાર્ટર ખાતે વાર્ષિક ઇન્સ્પેક્શન કાર્યક્રમ યોજવામાં આવ્યો

ખેડા હેડક્વાર્ટર ખાતે વાર્ષિક ઇન્સ્પેક્શન કાર્યક્રમ યોજાયો હતો. આ દરમિયાન ખેડા પોલીસે વિવિધ ડ્રીલ નું પ્રદર્શન કર્યું, જેમાં આતંકવાદીઓ દ્વારા બસ હાઇજેક કરવાની મોક ડ્રિલ મુખ્ય આકર્ષણ રહી હતી. પોલીસે યાત્રીઓને કોઈ જાનહાની વિના સફળતાપૂર્વક બચાવ્યા હતા.

આઇજી વિધીબેન ચૌધરીએ જણાવ્યું હતું કે વાર્ષિક ઇન્સ્પેક્શનના ભાગરૂપે પરેડનું આયોજન કરાયું હતું. આ ઉપરાંત, હોર્સ રાઇડિંગ ડિ્રલ, ડોગ સ્ક્વોડ ડિ્રલ, વેપન ડિ્રલ, મોબાઇલ ચેકપોસ્ટ અને ડ્રોન વાયરલેસ ડિ્રલ સહિત અનેક પ્રકારની ડિ્રલ રજૂ કરવામાં આવી હતી.

આ ડ્રીલ એસઓજી (સ્પેશિયલ ઓપરેશન્સ ગ્રુપ) અને એલસીબી (લોકલ ક્રાઇમ બ્રાન્ચ) દ્વારા કરવામાં આવી હતી. ખેડા બેન્ડ દ્વારા પણ પોલીસ ધૂન વગાડીને ઉત્કૃષ્ટ પ્રદર્શન કરાયું હતું. નિરીક્ષણ બાદ શ્રેષ્ઠ પ્રદર્શન કરનાર ટીમોને ઇનામ પણ આપવામાં આવ્યા હતા.

ખાસ કરીને, બસ હાઇજેક ડિ્રલમાં આતંકવાદીઓ દ્વારા એક મિની બસને હાઇજેક કરવામાં આવી હતી. ખેડા પોલીસે આ મિશનને ખૂબ જ કાર્યક્ષમતાથી પાર પાડ્યું. તેમણે આતંકવાદીઓને પકડીને બસમાં સવાર યાત્રીઓને સુરકિ્ષત રીતે છોડાવ્યા હતા, જે તેમની તાલીમ અને સજ્જતા દર્શાવે છે. આ પ્રસંગે અમદાવાદ રેન્જ આઇજી વિધીબેન ચૌધરી, ખેડા જિલ્લા પોલીસ વડા વિજય પટેલ સહિત પોલીસ અધિકારીઓ ઉપસ્થિત રહ્યા હતા.