જમ્મુ-કાશ્મીરના ઉપરાજ્યપાલ મનોજ સિંહા બે દિવસની ધાર્મિક અને સાંસ્કૃતિક મુલાકાતે ગીર સોમનાથ જિલ્લામાં પહોંચ્યા હતા. તેમની મુલાકાતનો મુખ્ય હેતુ દ્વાદશ જ્યોતિર્લિંગોમાં પ્રથમ ગણાતા અને અતિ પ્રાચીન એવા સોમનાથ મહાદેવના દર્શન કરવાનો હતો. ઢોલ-શરણાઈના પરંપરાગત સ્વાગત વચ્ચે તેમણે મંદિર પરિસરમાં પ્રવેશ કર્યો અને મહાદેવના દિવ્ય દર્શન કર્યા બાદ સાંજના સુમસામ વાતાવરણમાં યોજાતી સંધ્યા આરતીમાં હાજરી આપી, જ્યાં તેમને અધ્યાત્મિક શાંતિ અને અલૌકિક ઉર્જાનો અનોખો અનુભવ થયો.
મંદિર પરિસરમાં પ્રદક્ષિણા દરમિયાન તેમણે કપર્દી વિનાયક ગણપતિજી સહિતના પવિત્ર સ્થાનો વિશે વિગતવાર માહિતી મેળવી અને સોમનાથ મંદિરની ભવ્યતા તથા ઐતિહાસિક મહિમાનું મનન કર્યું. બાદમાં તેઓએ સોમનાથ ખાતે યોજાતા પ્રસિદ્ધ લાઈટ એન્ડ સાઉન્ડ શોનો આનંદ માણ્યો, જેમાં મંદિરનો ઇતિહાસ અને વૈભવ મનોહર રીતે રજૂ થયો હતો.
કાર્તિકી પૂર્ણિમાના મેળાના અંતિમ દિવસે મનોજ સિંહાએ દીપ પ્રાગટ્ય કરીને સાંસ્કૃતિક કાર્યક્રમનો પ્રારંભ કર્યો. આ કાર્યક્રમમાં માયાભાઈ આહીર અને કિર્તિદાન ગઢવીની લોકગીતો અને લોકસાહિત્ય પર આધારિત રજૂઆતોએ સમગ્ર વાતાવરણને ભાવવ્હલ બનાવી દીધું. અંતે ઉપરાજ્યપાલે પોતાની આ સોમનાથ યાત્રાને અધ્યાત્મ, સંસ્કૃતિ અને પરંપરાનો અવિસ્મરણીય સમન્વય ગણાવી વિશેષ સંતોષ વ્યક્ત કર્યો.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
