Skip to content
રવિવાર, નવેમ્બર 22, 2026 Ahmedabad 26°C

ક્રિકેટર અક્ષર પટેલ અને ધારાસભ્ય પંકજભાઈ દેસાઈ વચ્ચે નડીઆદમાં મુલાકાત : વડાપ્રધાનના ૧૨ વર્ષના શાસનની પુસ્તિકા ભેટ અપાઈ

ક્રિકેટર અક્ષર પટેલ અને ધારાસભ્ય પંકજભાઈ દેસાઈ વચ્ચે નડીઆદમાં મુલાકાત : વડાપ્રધાનના ૧૨ વર્ષના શાસનની પુસ્તિકા ભેટ અપાઈ

ભારતીય ક્રિકેટ ટીમના સ્ટાર ઓલરાઉન્ડર અને નડીઆદના ગૌરવ સમાન અક્ષર પટેલ સાથે સ્થાનિક ધારાસભ્ય પંકજભાઈ દેસાઈએ સૌજન્ય મુલાકાત કરી. વડાપ્રધાન નરેન્દ્રભાઈ મોદીના જનકેન્દ્રિત નેતૃત્વ હેઠળ કેન્દ્ર સરકારના ૧૨ વર્ષ પૂર્ણ થવાના અવસરે આ મુલાકાત થઈ હતી.

મુલાકાત દરમિયાન ધારાસભ્ય પંકજભાઈ દેસાઈએ વડાપ્રધાન નરેન્દ્રભાઈ મોદીના છેલ્લા ૧૨ વર્ષના કાર્યકાળ દરમિયાન દેશના સર્વાંગી વિકાસ, જનકલ્યાણ અને રાષ્ટ્રહિત માટે લેવામાં આવેલા મહત્વપૂર્ણ નિર્ણયો અંગે વિસ્તૃત માહિતી આપી હતી. તેમણે દેશના આર્થિક, સામાજિક અને માળખાકીય વિકાસમાં થયેલી નોંધપાત્ર પ્રગતિ તેમજ વિવિધ કલ્યાણકારી યોજનાઓની વિગતો અક્ષર પટેલ સમક્ષ રજૂ કરી હતી.

આ પ્રસંગે પંકજભાઈ દેસાઈએ વડાપ્રધાન નરેન્દ્રભાઈ મોદીના ૧૨ વર્ષના વિશ્વાસ, વિકાસ અને જનસેવાને સમર્પિત શાસનકાળની માહિતી આપતી વિશેષ પુસ્તિકા અક્ષર પટેલને ભેટ સ્વરૂપે અર્પણ કરી હતી. પુસ્તિકામાં દેશહિતના ઐતિહાસિક નિર્ણયો, વિકાસલક્ષી કાર્યો, જનકલ્યાણકારી યોજનાઓ અને વૈશ્વિક સ્તરે ભારતની વધતી પ્રતિષ્ઠા અંગેની વિસ્તૃત માહિતી સમાવિષ્ટ છે.

ધારાસભ્ય પંકજભાઈ દેસાઈએ જણાવ્યું હતું કે રમતગમત સહિત સમાજના વિવિધ ક્ષેત્રોમાં આગેવાની ધરાવતા વ્યક્તિત્વોને દેશના વિકાસ કાર્યોથી માહિતગાર કરવાનો આ એક પ્રયાસ છે.

ક્રિકેટર અક્ષર પટેલે પણ આ સૌજન્ય મુલાકાત બદલ આભાર વ્યક્ત કરી દેશના વિકાસ અને પ્રગતિ માટે શુભેચ્છાઓ પાઠવી હતી.

 

રિપોર્ટર – યેશા શાહ (ખેડા)

 

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

Filed under Kheda Gujarat

Share this story

Latest News

View all
All latest news

Explore Districts

News from every corner of Gujarat.